Қазақстанның төрт облысында күн райына байланысты ескерту жарияланды

НҰР-СҰЛТАН. ҚазАқпарат – Ақтөбе, Алматы, Атырау, Батыс Қазақстан облыстарында күн райына байланысты ескерту жарияланды, деп хабарлайды ҚазАқпарат «Қазгидромет» РМК-на сілтеме жасап.

10 желтоқсанда Ақтөбе облысында көктайғақ болады. Оңтүстік-шығыстан жел соғып, облыстың оңтүстік-батысында және орталығында екпіні 15-20 м/с-ке жетеді.

Алматы облысының оңтүстігіне тұман түседі. Алакөл көліне жақын аудандарда оңтүстік-шығыстан жел соғады, оның күші 18-23 м/с-ке жетеді. 11-12 желтоқсанда облыстың солтүстік-батысында солтүстік-шығыстан жел есіп, оның жылдамдығы 15-20 м/с, Алакөл көліне жақын аудандарда 29 м/с және оданда жоғары болады.

10 желтоқсанда Атырау облысының солтүстігіне, шығысына және орталығына тұман түсіп, көктайғақ болады.

Батыс Қазақстан облысының солтүстігінде, солтүстік-батысында бұрқасын, көктайғақ болуы ықтимал. Жел шығыстан, солтүстік-шығыстан соғып, облыстың оңтүстік-шығысында екпіні 15-20 м/с-ке жетеді.