18:25, 14 Қыркүйек 2018 | GMT +6
Қазақстанның төрт облысында ауа райына байланысты ескерту жарияланды
АСТАНА. ҚазАқпарат - Қостанай, Түркістан, Маңғыстау, Шығыс Қазақстан облыстарында ауа райына байланысты ескерту жарияланды, деп хабарлайды «Қазгидромет» РМК.
15 қыркүйекте Қостанай облысында батыс, солтүстік-батыс бағыттан жел соғып, оның жылдамдығы 15-20 м/с болады.
15 қыркүйекте Түркістан облысының кей жерлерінде жылдамдығы 15-20 м/с болатын шығыс желі ұйтқиды.
15 қыркүйек күні күндіз Маңғыстау облысының аумағында шаңды дауыл соғып, желдің екпіні 15-20 м/с-ке жетуі ықтимал.
15 қыркүйек күні түнде Шығыс Қазақстан облысының кей жерлерінде 3°С үсік жүреді.