16:30, 15 Наурыз 2022 | GMT +6
Қазақстанның Тәжікстан, Түрікменстан және Кубадағы жаңа елшілері тағайындалды
НҰР-СҰЛТАН. ҚазАқпарат - Қазақстанның сыртқы саяси ведомствосында Мемлекет басшысының жарлығымен бірқатар ауыс-түйіс болды, деп хабарлайды Ақорда.
Асқар Ерлікұлы Тәжібаев Қазақстан Республикасының Түрікменстандағы Төтенше және Өкілетті Елшісі болып тағайындалды, ол Қазақстан Республикасының Тәжікстан Республикасындағы Төтенше және Өкілетті Елшісі лауазымынан босатылды;
Уәлихан Әмірханұлы Төреханов Қазақстан Республикасының Тәжікстан Республикасындағы Төтенше және Өкілетті Елшісі лауазымына тағайындалды;
Андриан Көпмағамбетұлы Елемесов Қазақстан Республикасының Куба Республикасындағы Төтенше және Өкілетті Елшісі лауазымына тағайындалды.