+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Қазақстанның табыстары мен жетістіктері Нұрсұлтан Назарбаевтың есімімен байланысты - Никита Максименко

2020 жылғы 1 желтоқсан 17:30
Бөлісіңіз:
Қазақстанның табыстары мен жетістіктері Нұрсұлтан Назарбаевтың есімімен байланысты - Никита Максименко

ҚАРАҒАНДЫ. ҚазАқпарат – Қарағанды облысы Саран қаласының «№ 17 мектеп-гимназия» КММ директоры Никита Максименко Елбасы туралы «Тәуелсіз Қазақстанның қалыптасуы мен дамуындағы Ұлт Көшбасшысы, Тұңғыш Президент Н.Ә.Назарбаевтың рөлі» атты мақала жазды.

Ұқсас жаңалықтар
Елбасы Премьер-Министрдің кандидатурасына қатысты пікір білдірді Нұрсұлтан Назарбаев «Nur Otan» партиясының Мәжілістегі фракциясының отырысына қатысты

Онда оқу ордасының басшысы шәкірттеріне Елбасының Қазақстанның қалыптасуындағы рөлі туралы ғана емес, Тұңғыш Президенттің орасан еңбегі туралы да жазғысы келгенін айтады, деп хабарлайды ҚазАқпарат тілшісі.

«Ұлт Көшбасшысы Президент өкілеттігін тоқтату туралы Жарлыққа қол қойғаннан бері бір жылдан астам уақыт өтті. Алайда, оның басшылығымен берілген және іске асырылатын Қазақстан дамуының бағыты отыз жыл бойы өзгеріссіз қалып отыр. Мұны жаңа мемлекет басшысы Қасым-Жомарт Тоқаев өзінің «Тарихи тұлға тағылымы» мақаласында толық атап өтті. Қасым-Жомарт Кемелұлы өзін Ұлт Көшбасшысының шәкірті ретінде көрсете отырып, оның сайлауалды тұғырнамасы бастапқыда Тұңғыш Президент курсын жалғастыруға және оның бастамаларын одан әрі дамытуға бағытталған», - деп атап өтті Саран қаласының №17 мектеп-гимназиясының директоры Никита Максименко өз мақаласында.

Сондай-ақ, Никита Валерьевич қазақстандық саяси жүйенің тұрақты екендігіне назар аударады, бұл 2019 жылғы 9 маусымда өткен президенттік сайлауда айқын көрсетілді. Мұндай саяси жүйені құру Нұрсұлтан Әбішұлы Назарбаевтың басты тарихи еңбегі, оны қазіргі ғана емес, қазақстандықтардың болашақ ұрпағы үшін де Ұлт Көшбасшысына айналдырған еңбегі болып табылады.

«Сонау 1989 жылы Қазақ КСРО-ның басшысы болған кезде, Кеңес Одағы қиыншылықтарға, анархия мен хаосқа душар болған кезде, Н.Ә.Назарбаев Қазақстанның 16 миллион халқын өзіне сендіре, үміттендіре білді. Нәтижесінде республика президентінің бірінші бүкілхалықтық сайлауында Нұрсұлтан Әбішұлы сайлаушылардың 99% қолдауына ие болып, өз жолын жаңа, тәуелсіз Қазақстанның көшбасшысы ретінде бастады.

Нұрсұлтан Әбішұлы өзінің табиғи қабілетінің, қажырлы еңбегінің, шынайы және терең патриоттық сезімінің арқасында қазіргі Қазақстан мемлекеттілігінің сәулетшісі бола алды. Оның басшылығымен және оның тікелей қатысуымен жас мемлекеттің саяси, экономикалық және әлеуметтік жүйелері қалыптасты. 1990 жылдардың басында, қоғамның барлық салаларындағы терең дағдарыс дәуірінде ол халыққа болашаққа деген сенімін ақтай алды», - деп жазады Никита Максименко.

Мақалада сондай-ақ Н.Ә.Назарбаевтың биік беделінің арқасында еліміздің дамуына қатысты мысалдар келтірілген.

«Қазақстан 21 ғасырдың басында дамудың сенімді траекториясына шықты, тарихи өлшем бойынша қысқа мерзімде бүкіл Орталық Азия өңірінде ірі экономикасы бар, бейбітшілік пен тұрақтылықтың тірегі ретінде елімізді әлем мойындады. Еліміз халықаралық келіссөздер алаңына айналды және 2010 жылы ЕҚЫҰ-ға төрағалық ету немесе 2017 жылы ЭКСПО халықаралық мамандандырылған көрмесін өткізу сияқты әлемдік ауқымдағы бастамалар мен жобаларды іске асыруға қатысуға мүмкіндік берді.

Осылайша, тәуелсіз Қазақстанның қалыптасу тарихы, оның табыстары мен жетістіктері, экономикалық және саяси тұрақтылығы, үдемелі және серпінді дамуы бір адамның тұлғасымен тығыз байланысты, оның есімі – Нұрсұлтан Әбішұлы Назарбаев!», - дейді Никита Максименко.


Біздің каналымызға жазылыңыз:

Бөлісіңіз:

Автор:

Агата Мухамеджанова

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT