+7 (701) 759 90 19 Лента
USD 386.70 EUR 427.15
RUB 6.06 CNY 54.57
Jańalyqtar

Қазақстанның сыртқы істер министрі Черногория мен Зимбабвенің жаңа елшілерін қабылдады

2019 жылғы 5 қыркүйек 20:58
Бөлісіңіз:
Қазақстанның сыртқы істер министрі Черногория мен Зимбабвенің жаңа елшілерін қабылдады

НҰР-СҰЛТАН. ҚазАқпарат – Қазақстанның Сыртқы істер министрі Бейбіт Атамқұлов 3 қыркүйекте ҚР Президенті Қасым-Жомарт Тоқаевқа сенім грамоталарын тапсырған Қазақстанда қосымша міндетін атқаратын Черногорияның Елшісі Рамиз Башич және Зимбабвенің Елшісі Майк Сангоны қабылдады, деп хабарлайды ҚазАқпарат.

Ұқсас жаңалықтар
Қазақстан мен Кореяның жан-жақты ынтымақтастық мәселесі талқыланды Къелл Бондевик: Мен үшін  Қасым-Жомарт Тоқаевтың реформалары аса перспективті Жанар Айтжанова Халықаралық электрбайланыс одағының Бас хатшысымен кездесті

Кездесу барысында СІМ басшысы сұхбаттастарды елдегі саяси және экономикалық өзгерістерімен, сондай-ақ Қазақстанның сыртқы саясатының басымдықтарымен таныстырды. Черногория және Зимбабвемен саяси диалогты дамытуға, экономикалық, сауда және мәдени-гуманитарлық байланыстарды жандандыруға қызығушылық білдірді.

Черногорияның Елшісі екі ел арасында түрлі бағыттардағы жылы және достық қарым-қатынастарды, соның ішінде туризм саласындағы ынтымақтастықты дамыту үшін бар күшін салатынын жеткізді.

Тараптар шарт-құқықтық базаны кеңейту мақсатында келесі жылы саяси консультацияларды өткізуге келісті.

Р. Башич «Үлкен Еуразия: Диалог. Сенім. Серіктестік» тақырыбындағы Еуразия елдері парламенттері төрағаларының IV кеңесіне (2019 жылғы 23-24 қыркүйек, Нұр-Сұлтан қ.) шақыру үшін алғысын білдіріп, Черногория Парламентінің Төрағасы Иван Брайовичтің қатысуын растады.


Зимбабве Елшісімен кездесу барысында Зимбабвенің Президенті Эммерсон Мнангагваның ағымдағы жылғы қаңтарда Нұр-Сұлтан қаласына алғашқы ресми сапарының қорытындысы талқыланды. Зимбабве Президентінің сапары барысында қол жеткізілген уағдаластықтарды одан әрі іске асыру мақсатында екі ел арасындағы ынтымақтастықты одан әрі жандандыруға келісті, атап айтқанда сауда-экономикалық және инвестициялық ынтымақтастық.

Сұхбат соңында сыртқы саяси ведомствоның басшысы жаңа елшілерге дипломатиялық миссияның сәтті болуына тілек білдіріп, олардың қызметі барысында мемлекеттер арасындағы достық қарым-қатынастар дамудың жаңа деңгейіне шығады деген үмітін білдірді.


Біздің каналымызға жазылыңыз:

Басты сөздер: Еуропа, ҚР СІМ, Африка,
Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Айдар Оспаналиев
Айдар Оспаналиев
954-059

MURAǴAT