07:46, 10 Қараша 2018 | GMT +6
Қазақстанның оңтүстік-шығыс өңірінде жел күшейіп, бұрқасын соғады
АСТАНА. ҚазАқпарат - Бүгін Қазақстанның басым бөлігінде фронтальді бөліктердің өтуіне байланысты жауын-шашын сақталады, оңтүстік-шығыс өңірде және батыста екпінді жел мен бұрқасын болады. Кей жерлерде тұман, көктайғақ күтіледі, деп хабарлайды Қазгидромет.
Қарағанды, Шығыс Қазақстан облыстарының кей жерлерінде тұман, бұрқасын күтіледі, желдің жылдамдығы 15-20 м/с-ға дейін күшейеді, Шығыс Қазақстан облысының кей жерлерінде көктайғақ болады.
Солтүстік Қазақстан облысының кей жерлерінде тұман, көктайғақ болады.
Қызылорда, Батыс Қазақстан облыстарының кей жерлерінде тұман, көктайғақ күтіледі, күндіз желдің жылдамдығы 15-20 м/с-ға дейін күшейеді.
Ақмола, Қостанай, Павлодар, Маңғыстау, Атырау, Жамбыл, Алматы облыстарының кей жерлерінде тұман күтіледі, күндіз Жамбыл, Алматы облыстарында желдің жылдамдығы 15-20 м/с-ға дейін күшейеді.