+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Қазақстанның өнер жұлдыздары Хан Тәңірі шыңына шықты

2018 жылғы 6 тамыз 21:24
Бөлісіңіз:
Қазақстанның өнер жұлдыздары Хан Тәңірі шыңына шықты

ТАЛДЫҚОРҒАН. ҚазАқпарат - Қазақстандық театр және кино саласының өкілдері Әнуар Нұрпейісов пен Айсұлу Әзімбаева Хан Тәңірі шыңынан оралды. Олар қызығынан қиындығы көп сапары жайлы баспасөз мәслихатында айтып берді, деп хабарлайды ҚазАқпарат тілшісі.

Екі аптаға созылған медиаэкспедицияға актерлардан бөлек «Жетісу» географиялық қауымдастығының жетекшісі Әнуар Демегенов пен әрі спортшы, әрі оператор Александр Кузнецов қатысты.

Актер Әнуар Нұрпейісов тілшілерге берген сұхбатында Хан Тәңірі шыңына көтерілу өмір мен өлім арасындағы арпалыс деп бағалады. Талантты жұлдыз теңіз деңгейінен 4 мың метр биіктіктен асқан кезде өмірді қадірлеуді үйренгенін жасырмады.

nullАл Айсұлу Әзімбаева еліміздегі ең биік шыңды бағындыру бұл үлкен ғылым деп бағалады.

«Кез келген адам иығына 15-20 кг жүкті асына салып тауға шыға алмайды. Ол үшін ұзақ физикалық және жүйке дайындығы қажет дейді», - дейді Айсұлу Әзімбаева.

Бұл сапарында Әнуар Нұрпейісов 5400 метр биіктікті місе тұтса, нәзік жанды Айсұлу 6 мың метр биіктікке көтеріле алған. Ауа райы ойдағыдай болса да, шыңның ең биік нүктесіне жетуге медиаэкспедициядағы ешкімнің шамасы жете қоймаған. Олар оның себебі дайындықта деп түсіндірді. Себебі кәсіби альпинистер мұндай биіктіктерге жылдар бойы дайындалып көтеріледі. Ал бізге уақыт тығыз болды, дейді экспедиция мүшелері. Дегенмен, болашақта жоба жалғасып жатса, тәуекел деп тағы бір мүмкіндіктерін сынап көруге дайын екендіктерін жеткізді.

20 градус суықта түнеп, қар көшкіндерін өз көздерімен көрген өнер иелері бұл сапары жайында деректі фильм шығаруды жоспарлап отыр.

Біздің каналымызға жазылыңыз:

Бөлісіңіз:

Автор:

Самал Қабышева

Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059
REDAKTOR
Үмбет Шолпан
Үмбет Шолпан
954-059

MURAǴAT