09:51, 09 Қараша 2014 | GMT +6
Қазақстанның көптеген өңірлерін тұман басады
АСТАНА. ҚазАқпарат -9 қарашада Қазақстан аумағының көптеген бөлігінде фронтальдық ағындардың өтуіне байланысты кейбір жерлерде жауын-шашын, тұман түсіп көктайғақ болады, желдің күшеюі күтілуде, деп хабарлайды «Қазгидромет» РМК.
Жамбыл облысының кейбір жерлерінде тұман түсіп, көктайғақ болады, желдің күші 15-20 м/с дейін жетеді.
Батыс Қазақстан облысында кейбір жерлерде тұман болып, күндіз 15-20 м/с жылдамдықпен жел соғады.
Қостанай облысының кейбір жерлерінде тұман, көктайғақ болады деп болжануда, таңертең және күндіз жел екпіні 18 м/с дейін жетеді.
Шығыс Қазақстан облысының кейбір жерлерінде көктайғақ болып, 15-20 м/с жел тұрады.
Қарағанды облысының кейбір жерлерінде желдің күші 15-20 м/с дейін жетеді.
Ақмола, Алматы, Ақтөбе облыстарының кейбір жерлерінде тұман, көктайғақ болады деп күтілуде.
Оңтүстік Қазақстан, Маңғыстау, Атырау, Солтүстік Қазақстан, күндіз Павлодар облыстарының кейбір жерлерінде тұман түседі.