+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Қазақстанның қай өңірлерінде жалақы жоғары

2019 жылғы 1 қазан 16:41
Бөлісіңіз:
Қазақстанның қай өңірлерінде жалақы жоғары

НҰР-СҰЛТАН. ҚазАқпарат – HeadHunter интернет-сервисі Қазақстанның қай қалалары ең көп жалақы төлейтінін және қазіргі таңдағы аса сұранысқа ие мамандықтарды атады, деп хабарлайды ҚазАқпарат.

Осы жылдың қаңтар-қыркүйегі аралығындағы мәліметтерге жасалған талдаудың нәтижесі бойынша, бос жұмыс орындарын ұсынатын белсенді өңірлердің қатарына Алматы (43,29%), Нұр-Сұлтан (20,37%), Қарағанды (5,98%), Атырау (5,66%) және Шымкент (4,07%) қалалары енді.

Жұмыс берушілер келесідей салаларда вакансияларды жиі орналастырады: сауда-саттық (25,16%), бухгалтерия, басқарушылық есеп-қисап, кәсіпорындардың қаржысы (11,60%), әкімшілік персонал, банктер, инвестициялар, лизинг (9,15%), ақпараттық технологиялар, ғаламтор, телеком (9,04%).

HeadHunter индексіне сәйкес, Нұр-Сұлтан, Алматы, Атырау, Петропавл, Павлодар, Өскемен, Қостанай, Қарағанды қалаларында бір бос жұмыс орнына 4 үміткерден келеді. Бұл, еңбек нарығының қалыпты жағдайын көрсетеді.

Орал, Талдықорған, Шымкент, Түркістан, Көкшетау қалаларында бір вакансияға 4-6 түйіндеме жіберіледі. Бұл, еңбек нарығы жағдайының күрделілігін білдіреді. Ал Ақтөбе, Ақтау, Тараз және Қызылорда қалаларында жұмыс іздеушілер арасында бәсекелестік деңгейі жоғары.

Сондай-ақ интернет-сервис айлық еңбекақы бойынша мәліметтерді ұсынды.

Қазақстан батысындағы қалалар жалақы мөлшері жағынан алдыңғы қатарда тұр. 2 млн теңге көлеміндегі жоғары жалақыны Атыраудың жұмыс берушілері ұсынады. Сондай-ақ, қомақты еңбекақы төлейтін қалалардың қатарында Ақтау, Ақтөбе, Алматы, Нұр-Сұлтан бар.

Ал Тараз, Түркістан, Шымкент шаһарлары кестенің ең соңғы орнында орналасқан. Мұндағы ең жоғары жалақы мөлшері 500-540 мың теңгені құрайды.

Біздің каналымызға жазылыңыз:

Бөлісіңіз:

Автор:

- Біржанқызы Сабина

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT