+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Қазақстанның қай қалаларында ірі көтерме-тарату орталықтары салынады

2020 жылғы 26 қазан 15:31
Бөлісіңіз:
Қазақстанның қай қалаларында ірі көтерме-тарату орталықтары салынады

НҰР-СҰЛТАН. ҚазАқпарат – Ұлттық тауар таратушы жүйесін құру – Еуразиялық азық-түлік хабының басты инфрақұрылымы болады. ОКҚ-да өткен баспасөз мәслихатында Сауда және интеграция министрі Бақыт Сұлтанов осылай деді, деп хабарлайды ҚазАқпарат тілшісі.

Баспасөз мәслихатында министр Мемлекет басшысының Жолдауын жүзеге асыру аясында Ұлттық тауар өткізуші жүйе құрылатынын жеткізді. Ол жүйе ЕАЭО мен Орталық Азия аймағындағы елдердің дәл сондай жүйелерімен интеграцияланады.

«Бұл жүйе Қазақстандағы 24 көтерме-тарату орталығынан тұрады. Олар фермерлік өнімдерді сақтау мен қайта таратудың толыққанды әрі кешенді қызметтерін көрсетеді», - деді Бақыт Сұлтанов.

Министрдің айтуынша мұндай орталықтардың салынуы көптеген шаруашылықтардың, жеке шаруа қожалықтардың өнімді өндіріп, сату кезінде күшін біріктіреді.

«Жалпы Ұлттық тауар таратушы жүйені құру фермерлерді, сатып алушыларды, көлік иелері мен сатушыларды, тұтынушыларды бір кешенге біріктіретін зәкірлі инфрақұрылым болмақ», - деді ол.

Жоба қазірдің өзінде жүзеге асу сатысында тұр. Аталған орталықтар Павлодар облысының Ақсу қаласындағы Мичурино ауылында, Алматы облысының Қапшағай қаласында, Жамбыл облысының Шу қаласында, сонымен қатар Нұр-Сұлтан, Алматы және Шымкент қалаларында салынады.

«Осы жылдың соңына дейін жеке инвесторларды тарта отырып, 17 көтерме-тарату орталығы бойынша жұмыс жүргіземіз», - деді Бақыт Сұлтанов.



Біздің каналымызға жазылыңыз:

Бөлісіңіз:

Автор:

Аян Бекенұлы

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT