Қазақстанның Қаржы министрі Бейжіңдегі әріптесімен кездесті
ҚХР-ның Қаржы министрі Лю Кунмен кездесуі барысында екі елдің қазіргі экономикалық жағдайы, «Бір белдеу, бір бағыт» бастамасының аясындағы бірлескен қимылдар, «Нұрлы жол» бағдарламасы, қаржы нарықтарының қызметі мен олар көрсететін қызмет түрлері, сондай-ақ «Астана» Халықаралық қаржы орталығының жағдайы сөз болды.
Бақыт Сұлтанов «Бір белдеу, бір бағыт» және «Нұрлы жол» бағдарламасының арқасында белсенді инвестициялық ынтымақтастық орнап, ірі жобаларды жүзеге асыруға инвестициялар тартылып жатқанын айтты.
Тараптар жақын болашақта өзара түсіністік пен ынтымақтастық жөнінде ведомствоаралық меморандум жасауға келісті.
Бейжіге сапары аясында Бақыт Сұлтанов ҚХР-ның Құнды қағаздарды реттеу жөніндегі комиссия төрағасы Лю Шиюмен және Бас кеден басқармасының басшысы Ни Йефэнмен және ҚХР-дың «Эксим банкінің» вице-президенті Сунь Пинмен келіссөздер жүргізді.