Қолданушы баптаулары
Қолданушы баптаулары
+7 (701) 759 90 19 Лента
USD 371.56 EUR 422.43
RUB 5.56 CNY 53.51
Jańalyqtar

Қазақстанның елшісі Түркия Дін істері басқармасының төрағасымен кездесті

2018 жылғы 10 тамыз 20:51 127
Бөлісіңіз:
Қазақстанның елшісі Түркия Дін істері басқармасының төрағасымен кездесті

АСТАНА. ҚазАқпарат - Қазақстанның Түркиядағы Елшісі Абзал Сапарбекұлы Түркия Республикасы Дін істері басқарамасының төрағасы Али Ербашпен кездесті. Бұл туралы ҚазАқпарат ҚР Түркиядағы Елшілігіне сілтеме жасап хабарлайды.

Кездесу барысында Елші А.Сапарбекұлы Дін істері басқармасының басшысын жаңа қызметімен құттықтай отырып, а.ж. 10-11 қазан күндері аралығында Астанада өтетін Әлемдік және дәстүрлі діндер лидерлері Съезінің VI отырысына дайындық жұмыстары туралы мәлімет берді. Бұдан бұрын өткен Съез отырыстарында көтерілген көкейтесті тақырыптар мен өзекті мәселелерге кеңінен тоқталды. Қазақстанның ұстанып отырған көпвекторлы саясаты мен бейбітшілікті орнату бойынша атқарып отырған оңтайлы істерін атап өтті.

Сонымен қатар, А.Сапарбекұлы руханият және мәдени-гуманитарлық сала бойынша екі бауырлас ел арасындағы қарым-қатынастардың жоғары деңгейде жалғасып отырғандығын жеткізді.

Өз кезегінде, ТР Дін істері басқарамасының басшысы Елшіге алғыс айтып, ҚР Парламенті Сенатының Төрағасы - Әлемдік және дәстүрлі діндер лидерлері Съезі Хатшылығының Басшысы Қ.К.Тоқаевтан келіп түскен арнайы шақыруына ризашылығын білдірді. Әлем бейбітшілігінің орнығуына елеулі үлес қосып отырған Съездің кезекті отырысына қатысатындығын жеткізіп, Съездің дайындық жұмыстарына сәттілік тіледі.

Әңгіме барысында А.Ербаш дін саласы бойынша Қазақстанмен ынтымақтастықтың жоғары деңгейде жалғасып отырғандығын және алдағы екі жақты өзара сапарлар барысында оны одан ары жандандырудың жолдары талқыланатынын  жеткізді.

 

 

Біздің каналымызға жазылыңыз:

Басты сөздер: Дін, Түркия, ҚР СІМ,
Бөлісіңіз:
Загрузка...
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059
MURAǴAT