+7 (701) 759 90 19
USD 388.70 EUR 428.70
RUB 6.08 CNY 55.46
Jańalyqtar

Қазақстанның Елшісі Сербияның Президентіне сенім грамоталарын тапсырды

2019 жылғы 25 қазан 22:14
Бөлісіңіз:
Қазақстанның Елшісі Сербияның Президентіне сенім грамоталарын тапсырды

НҰР-СҰЛТАН. ҚазАқпарат – Сербия Сарайында Қазақстан Республикасының Елшісі Ғабит Сыздықбеков Сербия Республикасының Президенті Александр Вучичке сенім грамоталарын тапсырды. Бұл туралы ҚазАқпарат СІМ сілтеме жасап хабарлайды.

Екіжақты кездесу аясында Ғ.Сыздықбеков Сербия Президентіне қазақстандағы әлеуметтік-экономикалық жағдай жөнінде, сондай-ақ қыркүйек айындағы ҚР Президенті Қасым-Жомарт Тоқаевтың Жолдауында белгіленгендей елді одан әрі реформалау және қазақстандық қоғамды дамыту жөніндегі шаралар туралы хабардар етті.

Сұхбаттасу барысында екі ел арасындағы ынтымақтастықтың барлық бағыттары бойынша, бірінші кезекте, өзара сауда және инвестициялар, құрылыс және инфрақұрылым салаларындағы екіжақты ынтымақтастықтың әлеуеті талқыланды.

Сонымен қатар, экономикалық ынтымақтастық жөніндегі екіжақты Үкіметаралық комиссияның тиімділігін арттырудың ерекше маңызы аталып өтілді. Мәдени-гуманитарлық салада жоғары және кәсіби білім беру мекемелері арасында тығыз ынтымақтастық орнату, спорт және шығармашылық ұжымдарының өзара сапарларын ұйымдастыру және басқа да салалардағы өзара тиімді байланыстарды дамыту мәселелеріне ерекше назар аударылды.

Қазақстан елшісі ЕАЭО мемлекеттері мен Сербия арасындағы еркін сауда аймағы туралы келісімнің Қазақстан мен Сербия арасындағы сауда-экономикалық ынтымақтастықты екіжақты және көпжақты түрде жандандыруға мүмкіндік беретінін атап өтті.

Сербия Президенті екіжақты қарым-қатынастардың жоғары деңгейін тілге тиек ете отырып, екі ел арасындағы дәстүрлі достық байланыстарды одан әрі нығайту мен дамытуға, және де жоғары деңгейдегі өзара сапарлар ұйымдастыруға дайындығын жеткізді.

Жүздесу соңында А.Вучич Қазақстан Елшісінің жұмысына сәттілік тіледі.



Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT