Қазақстанның екі облысында нөсер жаңбыр жауады

АСТАНА. ҚазАқпарат - Қазақстанның төрт облысында ауа райына байланысты ескерту жарияланды, деп хабарлайды ҚазАқпарат Қазгидрометке сілтеме жасап.

Синоптиктердің айтуынша, 23 мамырда нөсер жаңбыр жаууына байланысты Шығыс Қазақстан және Алматы облыстарындағы өзендер арнасынан тасуы мүмкін.

22 мамыр күні Қостанай облысының кей жерлерінде найзағай ойнайды, жел жыолдамдығы секундына 15-20 метрге жетеді.

22-23 мамыр күндері Қызылорда облысының кей жерлерінде найзағай ойнайды; 22-24 мамыр күндері солтүстік-шығыстан соққан желдің жылдамдығы 15-20 м/с-қа жетеді, шаңды дауыл соғады.