Қазақстанның депозиттерге кепілдік беру қоры барлық міндеттемелерін орындауға дайын
2022 жылғы 21 қаңтар 13:53

Қазақстанның депозиттерге кепілдік беру қоры барлық міндеттемелерін орындауға дайын

НҰР-СҰЛТАН. ҚазАқпарат - Қазақстанның депозиттерге кепілдік беру қоры барлық қабылданған міндеттемелерін орындауға дайын. Бұл туралы ҚР Ұлттық банк төрағасы Ерболат Дасаев айтты, деп хабарлайды ҚазАқпарат тілшісі.

«Қазақстанның депозиттерге кепілдік беру қоры барлық қабылданған міндеттемелерін орындауға дайын. Осы мақсаттар үшін арнайы резерв құрылды, ол бүгінгі күні шамамен 850 млрд теңге болды», деді ол Президенттің бизнес өкілдерімен кездесуінде.

Оның атап өтуінше, Ұлттық банк пен Қаржы нарығын реттеу және дамыту агенттігі қаржылық тұрақтылыққа бірлесіп көмек көрсету шеңберінде екінші деңгейдегі банктердің операциялық қызметінің үздіксіздігін, олардың активтерінің сақталуын және капиталдың жеткіліктілігін бақылауды қамтамасыз етуге дайын.

«Қажет болған жағдайда Ұлттық Банк нарықтық жағдайларда банк секторының өтімділігін қолдайды», деді Ерболат Досаев.


Jańalyqtar

MURAǴAT