Қазақстанның БРИКС елдерімен тауар айналымы 45 миллиард АҚШ долларынан асты - Президент
2022 жылғы 24 маусым 20:40

Қазақстанның БРИКС елдерімен тауар айналымы 45 миллиард АҚШ долларынан асты - Президент

НҰР-СҰЛТАН. ҚазАқпарат - Қазақстан БРИКС елдерімен қарқынды серіктестікті дамытуға мүдделі. Сондай-ақ былтыр бұл Ұйымға мүше елдермен арадағы тауар айналымы 45 миллиард АҚШ долларынан асты. Бұл туралы ҚР Президенті Қасым-Жомарт Тоқаев БРИКС+ ұйымының жаһандық даму жөніндегі жоғары деңгейлі диалогында айтты.

Президент Қасым-Жомарт Тоқаев бұл жиынға ҚХР Төрағасы Си Цзиньпиннің шақыруымен онлайн форматта қатысты.

– Қазақстан БРИКС-ті ықпалды ұйым әрі әлемдік экономиканың өсімін өрге сүйреп келе жатқан негізгі күштердің бірі ретінде қарастырады. Қазақстан БРИКС елдерімен қарқынды серіктестікті дамытуға мүдделі. Сондай-ақ былтыр бұл Ұйымға мүше елдермен арадағы тауар айналымы 45 миллиард АҚШ долларынан асты. Осыған орай алдағы уақытта бұл көрсеткішті арттыру үшін мол мүмкіндік бар, – деді Президент.

«БРИКС елдері арасында жоғары деңгейдегі серіктестік қатынас орнату, жаһандық дамудың жаңа дәуірін құру» атты тақырыптағы БРИКС-тің 14-саммиті Қытайдың төрағалығымен өтіп жатыр.


Ұқсас жаңалықтар

Jańalyqtar

Үрдіс

MURAǴAT