Қазақстанның басым бөлігінде жел күшейіп, қар жауады

None
None
АСТАНА. ҚазАқпарат - Бүгін Қазақстан аумағының басым бөлігінде құбылмалы ауа райы сақталады. Атмосфералық фронттардың өтуіне байланысты  жаңбыр, қар жауады күтіледі, деп хабарлайды Қазгидромет.

Солтүстік Қазақстан, Шығыс Қазақстан, Павлодар облыстарының кей жерлерінде тұман, көктайғақ, бұрқасын күтіледі. Басым бөлігінде түнде желдің жылдамдығы 15-20, кей жерлерінде екпіні 23-28 м/с-ға жетеді, күндіз кей жерлерінде 15-20 м/с болады.

Қарағанды, Қостанай облыстарының кей жерлерінде тұман, бұрқасын күтіледі, желдің жылдамдығы 15-20 м/с-ға дейін күшейеді, Қостанай облысының кей жерлерінде көктайғақ күтіледі.

Ақмола облысының кей жерлерінде көктайғақ, бұрқасын  күтіледі, кей жерлерде желдің жылдамдығы 15-20 м/с-ға, түнде екпіні 25 м/с-ға дейін күшейеді.

Алматы облысының кей жерлерінде тұман, көктайғақ күтіледі.

Қызылорда, Жамбыл  облыстарының кей жерлерінде желдің жылдамдығы 15-20 м/с-ға дейін күшейіп, тұман күтіледі.

Батыс Қазақстан, Түркістан облыстарының кей жерлерінде тұман күтіледі.

Соңғы жаңалықтар