+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Қазақстанның барлық аудандарында сервистік әкімдік ашылады - агенттік

2020 жылғы 20 қараша 13:16
Бөлісіңіз:
Қазақстанның барлық аудандарында сервистік әкімдік ашылады - агенттік

НҰР-СҰЛТАН. ҚазАқпарат – Жыл соңына дейін Қазақстандағы барлық аудандарда сервистік әкімдіктер ашылады, деп хабарлайды ҚазАқпарат ҚР Сыбайлас жемқорлыққа қарсы іс-қимыл агенттігінің баспасөз қызметіне сілтеме жасап.

Ұқсас жаңалықтар
Агенттік Атбасар ауданы мен Степногор білім бөлімдерінің басшылары не үшін жазаланғанын түсіндірді Сыбайлас жемқорлықпен күрес: Call орталыққа 25 мыңнан астам хабарлама түсті Данияр Сабырбаев: Жемқорлықпен күрес - бұл парасаттылық идеологиясын қалыптастыру

Баспасөз қызметінің мәліметтеріне қарағанда, халықтың мемлекеттік аппаратқа деген сенімін арттыру, сондай-ақ ел Президенті бастамашылық еткен «Халық үніне құлақ асатын мемлекет» тұжырымдамасын іске асыру мақсатында Сыбайлас жемқорлыққа қарсы іс-қимыл агенттігі «Adaldyq alańy» жалпыұлттық сыбайлас жемқорлыққа қарсы жобасы аясында мемлекеттік органдарды трансформациялауды жүргізіп, олардың жұмысын сервистік үлгіге көшіруде.

«Adaldyq alańy» жобасының негізгі бағыттарының бірі – мемлекеттік органдар жұмысының тұтынушыға бағдарланған үлгісіне көшу арқылы халық үшін мемлекеттік қызметшілердің ашықтығы мен қолжетімділік қағидаттарын қамтамасыз ету болып табылады.

Парасаттылық департаментінің директоры Ғанижан Асанұлының айтуынша, бұл қызметтің нәтижесі – барлық өңірлерде ашылатын сервистік әкімдіктер болып отыр.

Бүгінгі таңда ел бойынша аудандық және қалалық әкімдіктердің 163-і немесе 76% - ы сервистік жұмыс форматына көшті. Ауыл және кент әкімдіктерінің 98% - ында өзіне-өзі қызмет көрсету бұрыштары ашылған. Барлық мемлекеттік органдардың қызметін олардың ашықтығы мен қолжетімділігін арттыру арқылы трансформациялау бойынша ауқымды шаралар қабылдануда.

«Ашықтықты қамтудың айқын көрінісі – 2 мыңнан астам мемлекеттік мекеменің open space/фронт-офистер форматына көшуі болды. 5 мыңға жуықмемлекеттік орган мен мекемелердің басшылары азаматтармен жедел қарым-қатынас жасау үшін бірінші қабаттарға көшірілді», – деді Ғ. Асанұлы.

Мұндай жұмыс форматы, ең алдымен, әртүрлі әкімшілік кедергілерді жойып, азаматтарға ыңғайлы жағдайда жедел қызмет көрсетуге арналған. Мемлекеттік аппарат жұмысының ашықтығы мен айқындығы дәрежесінің өсуін – халықтың сенімін арттырудың маңызды факторларының біріретінде қарастыруға болады.

«Қызмет көрсетудің сервистік моделін енгізу барысында қамтамасыз етілген ашықтық пен тұтынушыға бағдарлану – бұл кері байланыс, қоғам мен мемлекеттің тұрақты өзара байланысы мен өзара іс-қимылы тетіктері жұмысының негізі. Біз білетіндей, сыбайлас жемқорлық ашықтық пен ашықтық пен есеп берушіліктен қорқады»,-дейді спикер.


Біздің каналымызға жазылыңыз:

Бөлісіңіз:
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT