Қазақстанның алтын-валюталық қорында алтынның үлесі артты

АСТАНА. ҚазАқпарат - Биылғы жылы ҚР алтын-валюталық қоры 42 % құрайды. Былтыр бұл көрсеткіш 37 % деңгейінде болған. Валюталық активтердің үлесі өткен жылғы 63%-дан 58% дейін төмендеді, деп хабарлайды ҚазАқпарат тілшісі Finprom.kz-ке сілтеме жасап.

Сондай-ақ, Қазақстанның халықаралық қорлары 2018 жылдың тамыз айының соңына 30,7 млрд АҚШ долларын құрады. Бұл өткен жылғы 32,6 млрд теңгеден 5,7% төмен. Тамыз айының қорытындыларына сәйкес, көрсеткіштің дәл осылай төмендеуі соңғы 5 жылда алғаш рет байқалған. Қорлардың өсу қарқыны 2013-2018 жылдардағы орташа есеппен алғанда жылына 1% құрайды, ал қаржылай баламадағы өсім деңгейі соңғы 5 жылда 1,2 АҚШ долларына жеткен. Таза халықаралық қорлардың үлесі 98,4% немесе 30,3 млрд АҚШ долларына жетті.

Қорлар құрылымында еркін айырбасталатын валютадағы активтердің негізгі үлесі - 58,3% немесе 18 млрд АҚШ доллары. Бір жыл бұрын бұл көрсеткіш 20,7 млрд АҚШ доллары деңгейінде болған. Алтынның қоры 41,7% немесе 12,8 млрд АҚШ доллары (бір жыл бұрын - 12 млрд) болды.
2016 жылдан бастап алтын қорының меншікті салмағы еркін айырбасталатын валюта активтеріне қатысты өсе бастаған. Мысалы, 2013 жылы олардың өзара салмағы 81,2%-ға 18,8% құраса, тамыз айында 63,3%-ға 36,7 % болды.

ҚР Ұлттық қорының активтері есебімен алтын-валюталық қоры үстіміздегі жылдың тамыз айының соңына 87,3 млрд АҚШ долларын құрады. Бұл өткен жылғы 90,6 млрд АҚШ долларымен салыстырғанда 3,6% төмен.