05:04, 12 Шілде 2019 | GMT +6
Қазақстанның 3 қаласында ауа сапасы нашарлайды
НҰР-СҰЛТАН. ҚазАқпарат - 12 шілде күні Қазақстанның үш қаласында ауа сапасы төмендейді, деп хабарлайды ҚазАқпарат.
«Қазгидромет» РМК-ның мәліметіне сәйкес, 12 шілдеде Шымкент, Өскеме және Ақтөбе қалаларында қолайсыз метеорологиялық жағдайлар ауаның ластануына ықпал етеді.
Ал, Нұр-Сұлтан, Алматы, Балқаш, Қарағанды, Тараз және Теміртау қалаларында атмосфералық ауаның ластануы күтілмейді.
Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы. ҚМЖ жағдайында елді мекендердегі атмосфералық ауаның сапасы нашарлауы ықтимал.