Қазақстанның 3 қаласында ауа сапасы нашарлайды

АСТАНА. ҚазАқпарат - Жексенбі, 17 наурыз күні Қазақстанның 3 қаласында ауа сапасы нашарлайды, деп хабарлайды ҚазАқпарат.

«Қазгидромет» РМК-ның мәліметіне сәйкес, Астана, Қарағанды, Шымкент қалаларында қолайсыз метеорологиялық жағдайлар ауаның ластануына ықпал етеді.

Еліміздің өзге шаһарларында атмосфералық ауаның ластануы күтілмейді.

Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы. 

 ҚМЖ жағдайында елді мекендердегі атмосфералық ауаның сапасы нашарлауы ықтимал.