Қазақстанмен екіжақты ынтымақтастық деңгейі жоғары – Қырғыз Республикасының Сыртқы істер министрі
«Қырғызстан мен Қазақстан арасында саяси қайшылықтар жоқ. Қазақстанмен одақтас екіжақты қарым-қатынастар одан әрі дами береді. 2022 жылғы мамырда Қазақстан Республикасының Президенті Қасым-Жомарт Тоқаевтың Қырғыз Республикасына ресми сапары барысында екіжақты өзекті мәселелердің барлығы талқыланып, сауда-экономикалық және мәдени-гуманитарлық ынтымақтастықты дамытуға басты назар аударылды. Екі ел арасындағы тауар айналымының көлемін арттыру мүмкіндігі талқыланды. Сонымен қатар, қырғыз-қазақ шекарасында өнеркәсіптік сауда және логистикалық орталықтар құрылуда, оларға қаржыландыру мен жер телімдері белгіленеді. Биыл қазақстандық компаниялар құрылысты бастайды. Бұл фермерлерге сауданы өркениетті түрде жүргізуге мүмкіндік береді», - деді Сыртқы істер министрі.
Қырғыз Республикасыныі Сыртқы істер министрлі мәдени-гуманитарлық ынтымақтастықтың нәтижелеріне де тоқталды.
«2022 жылдың қазан айында Қазақстанда өткен Қырғыз Республикасының мәдени күндері аясында Қырғыз киносының күндері өтті. Іс-шараның ресми ашылу салтанатына екі мемлекет басшылары Садыр Жапаров пен Қасым-Жомарт Тоқаев, сондай-ақ Еуропалық кеңес президенті Шарль Мишель қатысты. Білім саласындағы ынтымақтастық үшін Қазақстан Республикасы өткен жылы жыл сайынғы білім беру гранттарының санын 10-нан 50 орынға дейін арттырды», - деді қырғыз елінің министрі.
Министр Ж.Қулубаев Қырғызстан мен Қазақстан арасындағы екіжақты қарым-қатынастың деңгейін жоғары бағалап, басшылық пен халық арасында үлкен перспективалар мен түсіністік бар екенін атап өтті. Оның пікірінше, екі елдің министрліктері мен ведомстволары екіжақты ынтымақтастықты дамыту жұмыстарын жандандыруы қажет.