18:27, 05 Желтоқсан 2011 | GMT +6
Қазақстанға жұмыс сапарымен Грузия Премьері келеді
АСТАНА. 5 желтоқсан. ҚазАқпарат /Қанат Мәметқазыұлы/ - 6-7 желтоқсанда елімізге жұмыс сапарымен Грузияның Премьер-Министрі Николас Гилаури келеді.
Бұл туралы бүгін Астанада Сыртқы істер министрлігінде өткен апталық брифингте ведомствоның ресми өкілі Алтай Әбибуллаев мәлім етті.
Ресми өкілдің айтуынша, Қазақстанға сапары барысында Грузия Премьер-Министрі Николас Гилауридің ҚР Президенті Нұрсұлтан Назарбаевпен және Үкімет басшысы Кәрім Мәсімовпен кездесулері жоспарланған.
«Бұндай кездесулер барысында екі мемлекеттің арасындағы сауда-экономикалық қарым-қатынастардың болашағын дамыту мәселелері сөз болмақ. Бұдан бөлек, халықаралық ұйымдар аясындағы екіжақты ынтымақтастықты талқылау да көзделіп отыр», - деді А. Әбибуллаев.