+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

Қазақстанға мерзімі өтіп кеткен вакцина әкелінгені туралы фейк тарады

2021 жылғы 10 тамыз 02:20
Бөлісіңіз:
Қазақстанға мерзімі өтіп кеткен вакцина әкелінгені туралы фейк тарады

НҰР-СҰЛТАН. ҚазАқпарат - Танымал Telegram-арналардың бірінде Қазақстанда қолданылатын «Спутник-V» вакцинасының мерзімі өтіп кеткені туралы ақпарат тарап кетті. Бұл - жалған, деп хабарлайды Stopfake.kz.

Ұқсас жаңалықтар
Астанада №58 мектепте оқушыға дәретханада жасырын екпе салынды - фейк Қазақстанда балаларды міндетті вакциналау туралы бұйрыққа қол қойылды - фейк Басқа адамдар үшін санақтан өтуді талап етеді: Ұлттық бюро ақпаратты жоққа шығарды


Қазақстанда қолданылатын «Спутник-V» вакцинасы Қарағанды фармацевтикалық кешенінде шығарылады. Ұйым өкілдері препараттың пациенттерге мерзімі өтіп жеткізілетіні туралы қауесетті жоққа шығарды.

– Қарағанды фармацевтикалық кешенінде шығарылған «Спутник V» препаратының әрбір партиясы (I және II компоненті) вакцина өндірушіде (сапасын растау үшін, ресейлік сарапшылардың қатысуымен, іріктелген үлгілер Гамалея ат. Орталыққа жіберіледі) сәйкестікке қатаң тексерістен өтеді. Вакцинаның сапасы мен қауіпсіздігін көпсатылы деңгейлі бақылаудан кейін «Спутник-V» ҚР нарығына жіберіледі. Препарат кемінде -35С температурада сақталатын қоймадан «суық тізбекті» қатаң сақтай отырып, «СК-Фармация»-ның вакцина тасымалдау бойынша арнайы көлігіне тиеледі. Бірыңғай дистрибьютор хабтарына және одан әрі ҚР өңірлеріне жеткізуді «СК-Фармация» жүзеге асырады», – деп хабарлады «Қарағанды фармацевтикалық кешені» ЖШС баспасөз қызметінен.

«СК-Фармация» компаниясында түсіндіргендей, препаратты өңірлерге жөнелту екпе өндірушіден келіп түскен соң бірден жүзеге асырылады.

– Вакциналарды сақтау мерзімі шығарылған күннен бастап 6 айды құрайды. Вакциналарды жеткізу өндірістік циклге байланысты. Өндірушіден алынған вакцина дереу өңірлерге жөнелтіледі. Вакциналарды өңірлерге үлестіру қалған мөлшерін, сондай-ақ медициналық мекемелер, вакцинация пункттері деңгейінде сақтау мүмкіндіктерін ескере отырып жүзеге асырылады, – деп хабарлады «СК-Фармация».

Осылайша, препарат вакцинациялау пункттеріне қолдануға жарамды күйде түседі. Сонымен қатар, вакцина алған әрбір қазақстандық ампуланы көрсетуді сұрап, препараттың мерзімі өтіп кетпегеніне көз жеткізуге құқылы.

«Баршаңызды тек ресми ақпаратқа ғана сенуге шақырамыз» деп ескертеді Stopfake.kz.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT