USD 434.84 EUR 498.2
RUB 5.72 CNY 68.47
Jańalyqtar

Қазақстанға көктем кеш келеді - «Қазгидромет»

2019 жылғы 3 ақпан 09:47
Бөлісіңіз:
Қазақстанға көктем кеш келеді - «Қазгидромет»

АСТАНА. ҚазАқпарат - Синоптиктердің мәліметінше, биыл Қазақстанға көктем кешігіп келеді. Бұл туралы «Қазгидромет» РМК ҚазАқпарат тілшісінің ресми сауалына берген жауабында мәлім етті.

«Ұзақ мерзімді болжамдарға сәйкес, Қазақстан аумағының басым бөлігіне көктем кешігіп келетіні күтілуде. Тек еліміздің батысы мен оңтүстігінде көктем жыл сайынғы мерзімінде жетеді. Дегенмен, кей күндер аязды болуы мүмкін», - делінген хабарламада.

Бір айдағы орташа температура республиканың солтүстік бөлігінде климаттық нормаға жуық болады, ал батыс пен оңтүстікте нормадан 1 градус жоғары.

Наурызда бүкіл Қазақстан аумағында күн жауын-шашынды болады, тек батыс өңірлерде - нормаға жуық немесе одан аздау.

Бұдан бөлек, синоптиктер ақпан айындағы ауа райы болжамы туралы да айтты.

«Алғашқы он күнде фронталды бөліктердің жиі ығысуымен елдің барлық дерлік аумағында ауа райы бұзылатыны күтілуде: солтүстік бөліктерде - жауын-шашын (кей жерлерде қатты жауады), 15-25 м/с дейінгі екпінді жел мен бұрқасын, оңтүстік өңірлерде тұман мен көктайғақ болады. Алғашқы онкүндіктің орта тұсында Батыс Сібірден келетін суық антициклон батыстан шығысқа қарай ығыса отырып, ауа температурасының төмендеуіне алып келеді: республиканың батысында, солтүстік-батысында түнде 20-30 градус аяз, күндіз 15-23 градуз аяз болжанады. Елдің солтүстігінде, орталығы мен шығысында түнде 33-43 градус, күндіз 25-33 градус, оңтүстік пен оңтүстік-шығысында түнде 18-28 градус, күндіз 5-15 градус аяз күтіледі», - деп атап өтті синоптиктер.

Ұзақмерзімді болжамдарға сәйкес, ақпан айының қалған жиырма күнінде антициклонның ықпалымен суық ауа райы басым болады. Жауын-шашын аз түседі, тек жекелеген уақытта бұлтты және жауын-шашынды күн болжанады.

«Нәтижесінде, ақпанда ауа температурасы республиканың басым бөлігінде нормадан 1-2 градус төмен болады, тек батыс, оңтүстік және оңтүстік-шығыс өңірлерде - климаттық нормаға жуық. Солтүстік Қазақстан, Ақмола, Павлодар, Маңғыстау, Ақтөбе облыстарының көп бөлігінде, Қостанай, Қызылорда, жекелеген жерлерде Қарағанды, Шығыс Қазақстан облыстарында бір айдағы жауын-шашын көлемі нормадан төмен болады, республиканың қалған бөлігінде - нормаға жуық немесе одан жоғары», - деді «Қазгидрометтен».

Біздің каналымызға жазылыңыз:

Бөлісіңіз:
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT