+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Қазақстанға келетін шетел азаматтарына қандай талап қойылады

2020 жылғы 14 тамыз 14:47
Бөлісіңіз:
Қазақстанға келетін шетел азаматтарына қандай талап қойылады

НҰР-СҰЛТАН. ҚазАқпарат – ҚР Бас мемлекеттік санитар дәрігері Айжан Есмағамбетова Қазақстанға келетін шетел азаматтарына қандай талаптар қойылатынын айтты, деп хабарлайды ҚазАқпарат тілшісі.

А.Есмағамбетова Орталық коммуникациялар қызметіндегі баспасөз мәслихатында шетелмен әуе байланысын жандандыру комиссияда міндетті түрде қаралатынын жеткізді. Сәйкесінше, шетел азаматтарының келуіне рұқсат берудің тиісті өлшемдері дайындалған. Осы орайда үш өлшем ескерілген.

«Біріншіден, эпидемиологиялық жағдай (жолаушы келетін мемлекетте) бізге қарағанда жақсы болса. Қазақстанда Қоғамдық денсаулық сақтау ұлттық орталығы бар. Олар күн сайын еліміздегі жағдайды, сондай-ақ тікелей халықаралық байланыс бар басқа да мемлекеттердегі эпидемиологиялық жағдайға мониторинг жүргізеді. Егер де осы елдерде коронавирусқа шалдығу бойынша эпидемиологиялық жағдай бірқатар көрсеткіштермен сипатталса, онда бұл мемлекеттерден ұшып келген жолаушылар елімізге қандай да бір шектеусіз кіреді.

Екіншіден, эпидемиологиялық жағдай біздің еліміз деңгейінде, яғни ауруға шалдығу немесе басқа көрсеткіштер бойынша Қазақстандағы жағдаймен бірдей болса, онда елге келетін адам теріс анализ жөнінде ПТР-анықтаманы ұсынуы керек. Анықтама мерзімі 5 күннен аспауы тиіс. Егер осы анықтама болмаса, бұл жолаушының мәліметтері мобильді қосымшаға енгізіледі. Сонымен қатар жолаушы екі тәулік ішінде ел ішінде ПТР-тестіден өтетіндігі туралы қолхатқа қол қояды немесе 14 күн бойы үй карантинінде отырады.

Үшінші топқа біздің елге қарағанда эпидемиологиялық жағдайы нашар мемлекеттер еніп отыр. Онда осы елдермен әуе байланысына тыйым салынады», - деді А. Есмағамбетов.

Айтат кетейік, Қазақстан 17 тамыздан бастап 7 елмен халықаралық әуе рейстерін кезең-кезеңімен қайта іске қосады.


Біздің каналымызға жазылыңыз:

Бөлісіңіз:

Автор:

Руслан Ғаббасов

Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT