Қазақстандықтарға пойыз билетін онлайн сатып алу ұсынылды
2020 жылғы 15 мамыр 21:10

Қазақстандықтарға пойыз билетін онлайн сатып алу ұсынылды

НҰР-СҰЛТАН. ҚазАқпарат - 1 маусымнан бастап вокзал ғимаратына жол жүру билеті бар жолаушылар ғана кіргізіледі. «Қазақстан темір жолы» компаниясы жаңа қауіпсіздік талаптарын жариялады, деп хабарлайды ҚазАқпарат тілшісі.

«Бас санитар дәрігер шешімімен 1 маусымнан бастап вокзал ғимаратына жол жүру билеті бар жолаушылар ғана кіргізіледі. Мұнда вокзалдар әкімшілігі жолаушыларға билетті онлайн түрде сатып алуға кеңес береді. ҚТЖ сайты мен 14 интернет ресурстан, қызмет көрсету терминалдарынан билет алуға болады», - дейді «ҚТЖ» ҰК» АҚ Вокзал шаруашылығын дамыту және пайдалану бойынша атқарушы директоры Жұбан Көрпебаев тілшілерге берген сұхбатында.

Әзірге бас санитар дәрігер шешімімен шығарып салушыларға вокзалға кіруге тыйым салынды. Бұл мәселе эпидемиялық жағдайға байланысты болады.

Еске сала кетсек, 1 маусымнан бастап, жолаушылар пойызының жұмысы кезең-кезеңімен жанданады.

15 мамырда билет сатылымы басталып, 23 мыңнан астам билет сатылды.


Ұқсас жаңалықтар

Jańalyqtar

Үрдіс

MURAǴAT