Қазақстандықтардың орташа жалақысы 166 мың теңгені құрады

АСТАНА. ҚазАқпарат - Қаңтар айында Қазақстанда бір жалдамалы жұмысының орташа атаулы жалақысының көлемі бағалауға сәйкес 166 111 теңгені құрады. Мұндай деректі ҚР ҰЭМ Статистика комитеті жария етті, деп хабарлайды ҚазАқпарат тілшісі.

2018 жылдың желтоқсанында халықтың жан басына шаққандағы орташа ақшалай табыстарының көлемі бағалауға сәйкес 97 221 теңгені құраған болатын. 2017 жылдың желтоқсанымен салыстырғанда, халықтың атаулы ақшалай табысы 8,6 пайызға, нақты табысы 3,2 пайызға өсті.