USD 436.29 EUR 492.83
RUB 5.92 CNY 68.48
Jańalyqtar

Қазақстандықтардың қандай газет-журналды көбірек оқитыны белгілі болды

2021 жылғы 6 сәуір 12:23
Бөлісіңіз:
Қазақстандықтардың қандай газет-журналды көбірек оқитыны белгілі болды

НҰР-СҰЛТАН. ҚазАқпарат - Қазпошта қазақстандықтар арасында көбіне қандай газет-журналдар оқылатынын анықтады, деп хабарлайды ҚазАқпарат.

Ұқсас жаңалықтар
«Российская газета» басшысы: Оқырманға айтатын Қазақстан туралы жағымды жайттар көп «Егемен Қазақстан» мен «Российская газета» серіктестік туралы келісім жасасты Елордада 2022 жылға газет-журналға жазылу жүріп жатыр

«2021 жылдың бірінші тоқсаны қорытындысы бойынша «Қазпошта» АҚ арқылы Қазақстанда газеттер мен журналдарға жазылудың жалпы көлемі 55,6 млн дананы құрады. Республикалық газеттердің үздік бестігіне «Егемен Қазақстан», «Казахстанская правда», «Полиция KZ», «Қазақстан теміржолшысы» және «Ұйғыр авази» басылымдары кірді. Аймақтық көшбасшылар арасында «Жетісу», «Ақтөбе», «Оңтүстік Қазақстан», «Аq Jol», «Орталық Қазақстан» газеттері бар», - делінген «Қазпошта» АҚ баспасөз хабарламасында.

Баспасөз хабарламасында жазылғандай, ел бойынша барлығы 170 республикалық және 543 аймақтық газет жазылым бойынша таратылады. Жазылудың жалпы көлеміндегі республикалық басылымдардың үлесі 44%, өңірлік басылымдардың үлесі 54% құрады. Тираждың 2%-ы халықаралық мерзімді басылымдарға тиесілі.

«Газеттер мен журналдарға жазылу ауылдарда көп тіркелген. Жазылудың жалпы көлемінде оның үлесі 71% құрайды. Ауыл тұрғындары облыстық, қалалық және аудандық басылымдарға жазылғанды (жалпы тираждың 58%-ы) жөн көреді», - делінген хабарламада.

Жазылу бойынша Қазақстанның өңірлері арасында Алматы, Ақтөбе, Қарағанды және Жамбыл облыстары көш бастап тұр.

«2020 жылдың қорытындысы бойынша жазылудың жалпы көлемі 90,3 млн дананы құрады. Биылғы жылдың екінші жартыжылдығына жазылу 5 сәуір күні басталды. Жыл соңында көрсеткіштер 25-30% өседі, бірақ тұтастай алғанда өткен жылдың көрсеткішінен аспайды. Біз электронды басылымдарға көшу – жалпы әлемдік тренд екенін түсінеміз. Оны қазақстандық статистика да растайды», - деді «Қазпошта» АҚ «Пошталық сервис» филиалы директоры Нұржан Жабаев.


Біздің каналымызға жазылыңыз:

Бөлісіңіз:

Автор:

Зарина Қаһарман

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT