Қазақстандықтардың eGov арқылы төлемдер мөлшері 41,5 млрд теңгеден асты

АСТАНА. ҚазАқпарат - Қазақстандықтардың eGov арқылы төлемдер мөлшері 41,5  млрд. теңгеден асты, деп хабарлайды «Ұлттық ақпараттық технологиялар» АҚ баспасөз қызметі.

Жүйе іске қосылған сәттен бастап Қазақстанның электрондық үкімет төлем шлюзі арқылы төлемдер сомасы 41,5  млрд. теңгеден асты. Бұл ретте тек ағымдағы жылдың  9 айында www.egov.kz порталы арқылы қазақстандықтар 12,5 млрд.-тан астам теңгеге операциялар жасаған. Өткен жылдың статистикасы  бойынша төлемдер мен аударымдар 14,2  млрд. теңгеден жоғары соманы құрады.

Одан бөлек, биылдың 9 айында онлайн түрде жолда жүру ережесін бұзғаны үшін салынатын айыппұлдар жиірек төленетін болып шықты, олардың үлесіне төлемдердің 84 %-ы немесе 10,5  млрд. теңгеден астам сома тиесілі. Келесі салықтар менбаж салығы, алымдар барлық төлемдердің 11%-ын (1,3 млрд. теңгеден астам) құрады. Сондай-ақ, азаматтар электрондық порталдыҚазақстан Тұрғын үй құрылыс жинақ банкіндегі есеп-шоттарын толықтыру үшін белсенді түрде пайдаланады - ол барлық төлемдердің 4%-ы (555 млн. теңгеден астам). Ал коммуналдық төлемдерге, БКБ қарыздарын өтеу мен ұялы телефон байланысына төлемдер 0,3 %-ды (35 млн. теңгеге жуық) құрайды.

Соңғы 5 жылдағы төлемдер статистикасы

	ЖЖЕ айыппұлдары (теңге)	Салықтар  (теңге)	Комм. төлемдер (теңге)
2013 ж.	290 848 179	262 615 289	26 064 069
2014 ж.	1 670 539 958	400 454 045	8 449 453
2015 ж.	8 432 377 134	531 706 467	16 099 358
2016 ж.	11 791 316 595	547 486 110	25 044 263
2017 ж. (9 ай)	10 565 429 284	464 015 899	14 712 424
Жалпы сомасы	32 795 049 736	2 279 457 731	99 896 709

Бұған қосымша, бюджетке төленетін төлемдерді растауға қажетті құжаттарға қойылатын талаптарды алып тастау мақсатында электрондық үкіметтің төлем шлюзі екінші деңгейдегі банктермен интеграциялан болатын. Қазіргі уақытта eGov төлем шлюзінің  сервистеріне екінші деңгейдегі 32 банк және «Қазпошта» АҚ қосылған.

Естеріңізге салсақ, 2010 жылы eGov порталында онлайн түрде төлем жасау мүмкіндігі бар алғаш рет транзакциялық қызмет көрсетулер пайда болған еді. Осылай, ең бірінші кезекте салықтар, мемлекеттік алымдар, баж салықтары мен жолда жүру ережесін бұзғаны үшін үшін төленетін айыппұлдарды төлеу қызметтері, ал 2011 жылы тұрғын үй-коммуналдық шаруашылық қызметтерін төлеу  қолжетімді болған. Бүгінгі күні eGov көмегімен 46 қызметті төлеуге болады.