+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

Қазақстандықтар зейнетақы жинағын баспана алуға жұмсай ала ма – Үкімет басшысы жауап берді

2019 жылғы 25 қараша 10:39
Бөлісіңіз:
Қазақстандықтар зейнетақы жинағын баспана алуға жұмсай ала ма – Үкімет басшысы жауап берді

НҰР-СҰЛТАН. ҚазАқпарат – Қазақстанда зейнетақы жинақтауда сингапурлық тәжірибені қолдану мүмкіндігі зерделеніп жатыр. Бұл жайында Мәжіліс депутаттарының сауалына орай ҚР Премьер-Министрі Асқар Маминнің жауабында айтылған, деп хабарлайды ҚазАқпарат тілшісі.

Ұқсас жаңалықтар
Қазақстандықтардың зейнетақы жинақтары 11 триллион теңгеден асты БЖЗҚ-дағы жеке зейнетақы жинақтарының орташа сомасы 1 млн теңгеден асты

«Жинақтаушы зейнетақы жүйесінің жай-күйіне талдау бүгінгі күні 5,3 млн жинақтаушының 500 мың теңгеге дейін, 1,6 млн адамның 500 мыңнан 1 млн теңгеге дейін зейнетақы жинағы бар екендігін көрсетіп отыр. Осылайша, азаматтардың зейнетақы жинағының орташа көлемі 1 040 800 теңгені, оның ішінде ерлерде 1 164 700 теңгені, әйелдерде 900 400 теңгені құрады. Үкімет Мемлекет басшысының 2019 жылғы 2 қыркүйектегі Қазақстан халқына Жолдауын жүзеге асыру үшін жұмыс істейтін азаматтардың зейнетақы жинағының бір бөлігін баспана сатып алуға немесе білім алу үшін пайдалану мәселесін зерделеп жатыр», - деп атап өтеді Асқар Мамин.

Оның атап өтуінше, ол үшін Премьер-Министрдің орынбасары Бердібек Сапарбаевтың төрағалығымен ұзақмерзімді өзекті модельдерді қалыптастыру негізінде зейнетақы жүйесін одан ары жетілдіру бойынша кешенді шаралар әзірлеу жөніндегі жұмыс тобы құрылған. Оның құрамына Парламент Сенаты мен Мәжілісінің депутаттары, мүдделі мемлекеттік органдардың, қоғамдық бірлестіктердің, ұйымдардың өкілдері мен тәуелсіз сарапшылар кіреді. Қазіргі уақытқа дейін жұмыс тобының 4 отырысы өтіп, онда бірыңғай әлеуметтік қор құру және бір әлеуметтік төлем енгізу жолымен әлеуметтік қамтамасыз етудің бюджеттен тыс жүйесін шоғырландыру, зейнетақы жүйесі тиімділігін арттыру, сонымен қатар жұмыс берушінің 5 пайыз міндетті зейнетақы жарнасын аудару мерзімін 2020 жылдан 2023 жылға шегеруі мәселелері қаралды.

«Сонымен қатар жұмыс тобы Қазақстанда жинақтаушы қор қалыптастыруда сингапурлық тәжірибені қолдану мүмкіндігін зерделеп отыр. Бұған қоса, бүгінде жұмыс тобы нақты ұсыныс әзірлеген жоқ және оларды талқылау жалғасып жатыр», - деді Үкімет басшысы.

Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT