Қазақстандықтар үйлерінің қалай салынып жатқанын онлайн көре алады
«Халыққа қолайлы жағдай жасау мақсатында қазіргі заманғы технологияларды қолдану арқылы салынып жатқан тұрғын үйдің сапасына және оларды зияткерлік басқару жүйелерімен жарақтандыруға қойылатын талаптарды арттырамыз. Ол үшін Е-QURULYS баспана құрылысының сапасын бақылаудың бірыңғай ақпараттық жүйесін енгіземіз. Осы жүйе бойынша шынайы уақыт режімінде құрылыс нысанынан видеотрансляцияны байқауға болады», - деді комитет төрағасы.
Мархабат Жайымбетовтің сөзіне сенсек, бақылаушы органдар осы жүйеге қосылып, онлайн-режимде құрылыстың барлық процестерін бақылауға алады.
«Қазаншұңқыр қазудан бастап нысан аяқталғанға дейін, сондай-ақ бизнес-ортаға қысым мен байланысты болдырмайды. Құрылыс процесіндегі жасырын жұмыстар, мысалы, іргетас пен колонналардағы арматуралау тек белсендіріліп қана қоймай, фото және бейне форматтарда да сақталады. Құрылыстың барлық хронологиялық тарихы ұзақ жылдар бойы қолжетімді болады. Сондай-ақ объектілерді пайдалану және халыққа қызмет көрсетудің ашықтығы мәселелері шеңберінде Е-SHANYRAQ бірыңғай ақпараттық жүйесін іске қосамыз», - деді ол.