Қазақстандықтар үшін желтоқсанда қанша күн демалыс

None
None
НҰР-СҰЛТАН. ҚазАқпарат – Қазақстандықтар желтоқсан айында 11 күн демалады, деп хабарлайды ҚазАқпарат тілшісі.

Желтоқсанда Қазақстанда екі мемлекеттік мереке аталып өтіледі.

Оның бірі – ҚР Тұңғыш Президенті күні, ал екіншісі – Қазақстанның Тәуелсіздік күні.

Бұл екі мерекеде де қазақстандықтар демалады.

Биыл ҚР Тұңғыш Президенті күні – 1 желтоқсан сәрсенбіге түсіп отыр.

Ал Тәуелсіздік мерекесіне орай 16 және 17 желтоқсан күндері ресми демалыс күні болып бекітілген.

Осы жолы бұл даталар бейсенбі мен жұма күндеріне түседі.

Демек, қазақстандықтар үшін 16, 17, 18 және 19 желтоқсан күндері - демалыс.

Мұнан бөлек, мемлекеттік мерекелерді қоспағанда 5 күн жұмыс істейтін қазақстандықтарды 8 демалыс күні күтіп тұр.

Яғни, алдағы айда ел азаматтары 20 күн ғана жұмыс істейді.

Ескерте кетерлігі, 31 желтоқсан күнтізбелік жоспарға сәйкес жұмыс күні саналады.


Соңғы жаңалықтар