+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Қазақстандықтар тамыз айында 113 кг алтын құймасын сатып алған

2021 жылғы 21 қыркүйек 10:45
Бөлісіңіз:
Қазақстандықтар тамыз айында 113 кг алтын құймасын сатып алған

НҰР-СҰЛТАН. ҚазАқпарат – Тамыз айында ел тұрғындары 2400-ден астам алтын құйма сатып алды. Бұл туралы ҚазАқпарат Ұлттық банкке сілтеме жасап хабарлайды.

Ұқсас жаңалықтар
Биылғы 9 айда Қазақстанда ІЖӨ-нің өсуі 3,4 пайыз болды - ҰБ 2022 жылы тауарлар экспорты 60,1 миллиард доллар деңгейінде болжанып отыр - Ерғалиев Мәжіліс Ұлттық қордан кепілдендірілген трансфертке қатысты құжатты мақұлдады

2021 жылдың тамыз айында қазақстандықтар екінші деңгейлі банктер мен жекелеген банктік емес айырбастау пункттерінен жалпы салмағы 113,7 кг 2460 өлшенген құйма сатып алды.

Халыққа тазартылған алтын құймаларды сату және сатып алу бағдарламасын (бұдан әрі – Бағдарлама) Ұлттық банк 2017 жылы іске қосты. Бағдарлама жүзеге асқалы жалпы салмағы 2,3 тонна 62 838 алтын құйма сатылды.

Алтын құймалардың бес түрі ұсынылады: 5, 10, 20, 50 және 100 г. Сатып алушылар арасында ең көп сұранысқа ие болғаны – 10 грамдық құйма. Оның жалпы сатылымдағы үлесі 29% – 18 267 дана. Одан кейін 100 грамдық құйма – 14 273 дана (23%) және 20 грамдық құйма – 12 314 дана (20%), 5 грамдық құйма – 10 376 дана (16%), 50 грамдық құйма – 7 608 дана (12%). Негізінен, өлшенген құймалар Алматы, Нұр-Сұлтан және Атырау қалаларында сұранысқа ие.

Алтын құймалар сенімді инвестициялық құрал бола алады. Банктер мен банктік емес айырбастау пункттерінің клиентке ақшасын төлеп, құймаларды «күнбе-күн» сатып ала алатын мүмкіндігі – алтын құймалар нарығының өтімділігін қамтамасыз етуде негізгі факторға айналып отыр.

Әр құйма қорғаныс элементтерімен (құймалардың айна беті, микротекст және рельефтің шеті), құймаларды механикалық зақымданудан қорғайтын және пакеттің ашылған-ашылмағанын тексеруді жеңілдететін арнайы қаптамамен шығарылады. Қорғаныс қаптамасы, сонымен қатар, құйманың сапа сертификаты бола алады. Сондықтан құйманы сақтағанда мұқият болып, ораманы ашпаған жөн.

Қазіргі уақытта алтын құймаларды Halyk Bank-те, Еуразиялық банкте, Jusan Bank-те, Банк ЦентрКредитте, сондай-ақ банктік емес айырбастау пункттерінде сатып алуға және сатуға болады.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT