+7 (701) 759 90 19
USD 379.75 EUR 415.18
RUB 5.78 CNY 54.19
Jańalyqtar

Қазақстандықтар неліктен артық жұмыс істейді - статистика

2020 жылғы 13 ақпан 10:39
Бөлісіңіз:
Қазақстандықтар неліктен артық жұмыс істейді - статистика

НҰР-СҰЛТАН. ҚазАқпарат –2019 жылдың ІІІ тоқсанындағы жағдай бойынша, елімізде 8,8 млн адам жұмыс істейді, деп хабарлайды ҚазАқпарат ҚР Статистика комитетіне сілтеме жасап.

Ұқсас жаңалықтар
Қазақстанда бір ғана жеке куәлікпен жұмысқа орналасуға болады - министрлік Семейде 4 мың жаңа жұмыс орны құрылмақ Елорда тұрғындарына жұмыс күші тапшы аймақтардан бос жұмыс орындары ұсынылуда

«Жұмыс істеп жүргендердің жартысынан көбі (51,8 пайызы немесе 4,5 млн адам) ер адамдар болса, 48,2 пайызы немесе 4,2 млн адам әйелдер. Экономикадағы жұмыс істейтін азаматтардың 6,7 миллионы немесе 76,0 пайызы – жалданып еңбек ететіндер. Ал өзін-өзі жұмыспен қамтығандардың саны 2,1 млн (24,0 пайыз). Жалданып жұмыс істейтін респонденттердің 44,5 пайызы кәсіподақ мүшесі екенін, ал 79,7 пайызы еңбек заңнамасында қарастырылғандай жеңілдіктер мен өтемақы алу құқығына ие екенін (жұмыстан шыққан жағдайда) айтқан», - деп хабарлайды ведомстводан.

Комитеттің мәліметінше, респонденттердің 19,7 пайызы аптасына 40 сағаттан артық уақыт жұмыс істейтінін (2018 жылы – 21,1 пайызы) жеткізген. Осы респонденттердің жартысынан көбі, яғни 66,9 пайызы жұмыс берушінің талабы бойынша, ал 18,9 пайызы табысын арттыру үшін, ал 7,9 пайызы өндірістік қажеттілікке байланысты осылай еңбек ететін айтып, жауап берген.

Жұмыспен қамтылған халықтың 480,1 мыңы (5,5 пайызы) кәсіби оқытудан өткен. Оның ішінде 384,5 мыңы (80,1 пайыз) жұмыс берушінің немесе басқа да ұйымдардың қаражаты есебінен осы оқытудан өткен.

Жұмыспен қамтылған респонденттердің 12,2 пайызы еңбектің жайсыз әрі қауіпті жағдайында (2018 жылы – 12,0 пайыз) еңбек ететін, ал олардың ішінде 12,3 пайызы қолайсыз температуралық жағдайда, 9,4 пайызы қауіпті механизммен, 18,9 пайызы жүйке жүйесіне артық жүктеме түсетінін, 17,6 пайызы көшеде жұмыс істейтінін, 24,1 пайызы ауыр физикалық жұмысты атқаратынын айтқан.

Жұмыспен қамтылғандардың жартысына жуығы (49,8 пайызы) жұмысқа қоғамдық көлікпен, 19,3 пайызы жаяу, 21,2 пайызы жеке көлікпен жететінін жеткізген.

Жұмыс істейтін әйелдерідң 15,3 пайызы (2018 жылы – 13,2 пайызы) еңбек жағдайы мен үйдегі міндеттемелерді үйлестіру қиынға түсіп жүргенін жазған.


Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT