+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Қазақстандықтар әуежайда цифрлық жеке куәлікті пайдалана алады

2021 жылғы 23 қыркүйек 12:38
Бөлісіңіз:
Қазақстандықтар әуежайда цифрлық жеке куәлікті пайдалана алады

НҰР-СҰЛТАН. ҚазАқпарат – Қазақстандықтар цифрлық жеке куәлікті Түркістан әуежайында да пайдалана алады. Бұлтуралы ҚР Цифрлық даму, инновациялар және аэроғарыш өнеркәсібі министрлігінен мәлім етті, деп хабарлайды ҚазАқпарат.

Ұқсас жаңалықтар
Президент тапсырмасы: Елордада үш буынды сот жүйесі қалай жұмыс істеуде Елордада қылмыстық істердің 70% астамы электронды форматта қаралып жатыр Мемлекеттік қызметтер уақыты 5 минутқа дейін қысқартылады - Бағдат Мусин

«Түркістан қаласының әуежайында жеке деректерді растау үшін енді «e-Gov Mobile« қосымшасы арқылы цифрлық жеке куәлікті көрсетуге болады. Бұған дейін мұндай қызмет Нұр-Сұлтан, Алматы, Ақтөбе және Шымкент қалаларының әуежайларында қолжетімді болатын. Әуежайда цифрлық жеке куәлікті пайдалану үшін «e-Gov mobile« жүйесінде тіркелген пайдаланушы «Цифрлық құжаттар« сервисіне кіріп, тізімнен жеке куәлікті таңдауы қажет. Әуежайдың тіркеу бөлімінде, сондай-ақ ұшар алдындағы тексеруден өтерде QR-коды бар смартфонның экранын көрсету керек», - деп атап өтеді ведомстводан.

Министрлік мәліметінше, цифрлық құжаттар қызметі ілкі режимде жұмыс істейді және әзірге Нұр-Сұлтан, Алматы, Ақтөбе, Шымкент және Түркістан қалалары арасында қолжетімді. Осы әуежайлардың қызметін пайдалануды жоспарлап отырған жолаушыларға өзімен бірге жеке куәлігінің түпнұсқасын да алып жүргені жөн.

Айта кетейік, ішкі рейстерде цифрлық жеке куәлікті пайдалану мүмкіндігі ҚР Индустрия және инфрақұрылымдық даму министрлігінің, ҚР Цифрлық даму, инновациялар және аэроғарыш өнеркәсібі министрлігінің, «Қазақстанның авиациялық әкімшілігі» АҚ-ның, отандық әуе компаниялары мен әуежайларының және «Ұлттық ақпараттық технологиялар»АҚ-ның жүйелерді интеграциялау бойынша бірлесе атқарған жұмыстарының нәтижесінде іске асырылды.


Біздің каналымызға жазылыңыз:

Бөлісіңіз:

Автор:

Марлан Жиембай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059

MURAǴAT