Қазақстандықтар 1 қазанға дейін салық төлемесе, 20 мың теңге айыппұл салынады деген ақпарат – жалған

None
None
НҰР-СҰЛТАН. ҚазАқпарат – «Қазақстандықтар 1 қазанға дейін салық қарызын төлемесе, 20 мың теңге айыппұл төлейді деген ақпарат – жалған. Бұл туралы ҚР Қаржы министрлігінің баспасөз қызметіне сілтемемен ҚазАқпарат хабарлайды.

«Соңғы уақытта әлеуметтік желілер мен мессенджерлер арқылы өткен салықтық кезеңдер үшін берешегі бар азаматтар борышын 1 қазанға дейін өтемеген жағдайда 8 АЕК (20000 теңге шамасында) көлеміндегі айыппұл есептелетіні туралы хабарлама таратылуда. Бұл ақпарат шындыққа жанаспайтынын ресми түрде хабарлаймыз», деді ҚР Қаржы министрлігінің баспасөз хатшысы Әлібек Абдилов.

Ресми өкілдің айтуынша, жеке тұлғалар бюджетке жер және мүлік салықтарын өткен жыл үшін ағымдағы жылдың 1 қазанына дейін төлеуі тиіс. Көлік салығы ағымдағы жыл үшін 31 желтоқсанға дейін өтеледі.

«Қолданыстағы ҚР Салық заңнамасында айыппұл есептеу шаралары көрсетілмеген. Тек салықты уақытылы төлемеген жағдайда өткізілген әр күнге өсімпұл есептеледі», - деді Ә.Абдилов.

Сондай-ақ, ағымдағы жылдың аяғына дейін жеке тұлғаларға арналған салықтық рақымшылық үрдісі жүруде. Оның ережелеріне сәйкес, жеке тұлға берешегінің негізгі сомасын өтеген жағдайда өсімпұл автоматты түрде есептен шығарылады.


Соңғы жаңалықтар