USD 434.34 EUR 491.93
RUB 5.56 CNY 68.67
Jańalyqtar

Қазақстандық жүргізушілер #Жылдамдықты баяулат акциясына қосылуға шақырылды

2017 жылғы 9 мамыр 08:16
Бөлісіңіз:
Қазақстандық жүргізушілер #Жылдамдықты баяулат акциясына қосылуға шақырылды

АСТАНА. ҚазАқпарат - Астанада Біріккен Ұлттар Ұйымының Жол қозғалысы қауіпсіздігінің 4-інші жаһандық апталығы бастау алды, деп хабарлайды ҚазАқпарат ҚР ІІМ Әкімшілік полиция комитетіне сілтеме жасап.

Біріккен Ұлттар Ұйымы 8-14 мамыр күндері аралығында бүкіл әлемде Жол қозғалысы қауіпсіздігінің төртінші жаһандық апталығын өткізу туралы жариялады.

8 мамыр күні Қазақстанда аталмыш апталық аясында «Өмірді сақта! #Жылдамдықты баяулат» атты акция басталды. Оның ұйымдастырушылары - Дүниежүзілік денсаулық сақтау ұйымының Қазақстандағы Елдер кеңсесі, ІІМ Әкімшілік полиция комитеті және «Ортақ жол» жол қозғалысы қауіпсіздігі қауымдастығы.

Ұйымдастырушылар шараға балаларды тарта отырып, жолда жылдамдықты арттыру неліктен қауіпті екендігін айтып, түсіндірмек. Акцияның алғашқы күнінде Астананың жергілікті полиция қызметінің ондаған қызметкері мен жол қозғалысының жас инспекторлары адам өмірін сақтап қалатын жылдамдықты таңдаудың маңыздылығы жайлы ойлануға шақырды.

Кез келген адам жолда жүру ережесін сақтау арқылы шараға қосыла алады. Сондай-ақ арнайы постерді жүктеп алып, оған өз тілек-ниеттерін жазып, өзінің фотосымен бірге #Жылдамдықты баяулат #Slowdown хэштегімен әлеуметтік желілерге орналастыра алады.

Біздің каналымызға жазылыңыз:

Бөлісіңіз:

Автор:

Мира Төлендіқызы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT