+7 (701) 759 90 19 Лента
USD 386.77 EUR 427.26
RUB 6.00 CNY 54.56
Jańalyqtar

Қазақстандық жастар Африкадағы 250 адамға ауызашар асын берді

2019 жылғы 15 мамыр 07:42
Бөлісіңіз:
Қазақстандық жастар Африкадағы 250 адамға ауызашар асын берді

НҰР-СҰЛТАН. ҚазАқпарат - Қазақстандық бір топ жас Африка елінде тұратын мұсылман жұртшылығына ауызашар асын берді, деп хабарлайды ҚазАқпарат тілшісі.

Дастархан 250 адамға жайылған. Ұйымдастыру жұмыстарын Африкадағы мұсылман халқына ауызашар беретін қор қолға алған. Алматы қаласы мен Ақтөбе облысындағы 50-ге жуық белсенді жас сол қорға ақша аударған.

«Қасиетті Рамазан айындағы игі істердің төресі - ауыз аштыру. Африка мұсылмандары ауыздарын қара сумен ашатынын естігенде ас беру ойы туындады. Олардың күнкөріс деңгейлері өте төмен. Ауызашар бағдарламасы бойынша бір адамды тамақтандыруға 1 доллар, яғни 380 теңге шамасында жұмсалады екен. Қазақстанда бұл баға бір адамға - 600-1500 теңге. Оның үстіне, елімізде ауызашар беріп жатқандар өте көп. Өңірлердегі әрбір мешітте де олар күнделікті тегін ұйымдастырылады. Аталмыш елдегі халықтың жағдайына қарап шүкіршілік етсек деген ой», - дейді ұйымдастырушылардың бірі Ержан Мизамов.



Оның айтуынша, алдағы күндері еліміз жастары Мысырда білім алып жатқан 80-ге жуық қазақстандық студентке ауызашар асын беруді жоспарлап отыр.

«Ұсыныстар өте көп түсуде. Оның ішінде, Қазақстандағы жағдайы төмен отбасыларға қайырымдылық шараларын ұйымдастыру бар», - дейді ол.

Айта кетейік, 6 мамыр күні басталған Рамазан айы 5 маусымға дейін жалғасады. Қасиетті Қадір түні - 31 мамырдан 1 маусымға қараған түн. Ал 5 маусым - ораза айтының бірінші күні. Биылға белгіленген пітір-садақа көлемі - 300 теңге.


Қазақстандық жастар Африкадағы 250 адамға ауызашар асын берді

Біздің каналымызға жазылыңыз:

Басты сөздер: Африка, Қоғам, Жастар, Дін,
Бөлісіңіз:

Автор:

Мира Төлендіқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Мухамедиярова Жанара
Мухамедиярова Жанара
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT