+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Қазақстандық жас теннисшілер Украинада өткен жарыста чемпион атанды

2021 жылғы 11 қыркүйек 23:18
Бөлісіңіз:
Қазақстандық жас теннисшілер Украинада өткен жарыста чемпион атанды

НҰР-СҰЛТАН. ҚазАқпарат - Қазақстандық жас теннисшілер Львов қаласында 16 жасқа дейінгілер арасында үшінші санаттағы Galychyna Cup халықаралық турнирінде чемпион атанды, деп хабарлайды ҚазАқпарат тілшісі.

Ұқсас жаңалықтар
Футзалдан Чемпиондар лигасы: «Қайрат» беларусьтік «ВитЭн» клубымен кездеседі Теннис: Қазақстан Дэвис кубогының жартылай финалына шыға алмады Данияр Елеусіновтің әлем чемпионы титулы үшін айқасатын жаңа қарсыласы белгілі болды

Қазақстан теннис федерациясы мәлім еткеніндей, Асылжан Арыстанбекова жекелей сында үздік шықты.

Ол финалда отандасы Айя Нұпбайды 7:6 (7:5), 6:2 есебімен ұтты.

А.Нұпбай есесіне жұптық сында Жанель Оспановамен бірге соңғы бәсекеде Асылжан және Әдемі Аманкелдіні 6:2, 6:3 есебімен жеңді.

Сондай-ақ қазақстандықтар Жақас Қозбақ пен Виталий Зацепин финалда ғана украиналықтар Виталий Хоровой мен Глеб Коваленкоға есе жіберді - 6:3, 0:6, 4:10.


Тағы бір қазақстандық, 13 жасар Әмір Омарханов Бакуде 18 жасқа дейінгілер арасында өткен ITF Juniors жарысында финалист атанды. Соңғы сында ол әзербайжандық Тамерлан Азизовтан ұтылды - 3:6, 2:6. Бұл оның осы санаттағы алғашқы финалы еді.

Еске сала кетейік, бұдан бұрын Анна Данилинаның Францияда өткен турнирдің жеңімпазы атанғанын, Тимофей Скатовтың Киев жарысының финалына шыға алмағанын жазған болатынбыз.

Ал Александр Недовесов Киевте жеңімпаз атанды.



Біздің каналымызға жазылыңыз:

Бөлісіңіз:

Автор:

Елжан Ералы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059

MURAǴAT