15:26, 25 Маусым 2018 | GMT +6
Қазақстандық жас дзюдошылар Азия кубогында жеңімпаз атанды
АСТАНА. ҚазАқпарат - 23-24 маусым күндері Ыстықкөлде (Қырғызстан) жастар арасында дзюдодан өткен Азия кубогында Қазақстан жастар құрамасы үшінші орынды иеленді, деп хабарлайды ҚазАқпарат тілшісі.
ҚР Дзюдо федерациясының баспасөз қызметі таратқан мәліметтерге сүйенсек, Азия құрлығының 9 елінен 159 жас татами шебері бақ сынаған тартысты бәсекеге ел құрамасынан 25 дзюдошы қатысты.
Екі күнге созылған жылдың маңызды додасында Қазақстан жастар құрамасы 3 алтын, 2 күміс және 3 қола медальмен жалпы командалық есепте 3-орынға тұрақтады.
Жеңімпаздар мен жүлдегерлер:
Алтын медаль
Мөлдір Нарынова (70 кг)
Камила Берліқаш (+78 кг)
Сұңғат Жұбатқан (66 кг)
Күміс медаль
Ләззат Әлімхан (57 кг)
Амина Расул (-78 кг)
Қола медаль
Бақыт Абдусамат (55 кг)
Нұрсұлу Ералиева (52 кг
Санжар Балғымбеков (-81 кг)