+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Қазақстандық волейбол клубы Азия чемпионы атанды

2021 жылғы 7 қазан 19:48
Бөлісіңіз:
Қазақстандық волейбол клубы Азия чемпионы атанды

НҰР-СҰЛТАН. ҚазАқпарат – Тайландтың Накхонратчасима қаласында әйелдер арасындағы волейболдан клубтық Азия чемпионатында қазақстандық Алтай клубы чемпион болды, деп хабарлайды ҚазАқпарат Федарацияға сілтеме жасап.

Тайландта 1 қазан күні әйелдер волейбол клубтары арасында Азия Чемпионаты басталған еді. Бұл турнирге Қазақстан атынан шығысқазақстандық «Алтай» және талдықорғандық «Жетісу» клубтары қатысты. Одан бөлек, біріншілікке бес команда қатысты. Олардың ішінде филлипиндік «ПВЛ» мен «Ребиско», ирандық «Сайпа», тайлық «Суприм Чонбури» мен турнир иелері «Нахон Ратчасима Qmin C» клубтары болды.

Бірінші ойын күні Қазақстанның қазіргі чемпионы «Алтай» волейбол клубы филлипиндік «Ребиско» командасымен ойнады. Ойын үш сетке созылды, нәтижесінде 3:0 ұпаймен шығысқазақстандық команда алға шықты. Екінші күні «Алтай» ойыншылары дәл сондай нәтижемен ирандық «Сайп» командасын ойсырата жеңді.

Финалдық кезеңде қазақстандық Алтай волейбол клубы ақтық сында жарыс қожайындары Накхонратчасима волейбол клубын 3-0 есебімен жеңіп, чемпион атанды.



Біздің каналымызға жазылыңыз:

Бөлісіңіз:

Автор:

Бибіхан Серікова

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT