+7 (701) 759 90 19
USD 427.22 EUR 519.71
RUB 5.78 CNY 66.52
Jańalyqtar

Қазақстандық вакцина шығаратын зауытқа кім жауапты – Мәжіліс төрағасы

2021 жылғы 5 мамыр 12:05
Бөлісіңіз:
Қазақстандық вакцина шығаратын зауытқа кім жауапты – Мәжіліс төрағасы

НҰР-СҰЛТАН. ҚазАқпарат – Мәжіліс төрағасы Нұрлан Нығматулин қазақстандық вакцина шығару бойынша Жамбыл облысында салынып жатқан зауытқа кімнің жауапты екенін сынға алды, деп хабарлайды ҚазАқпарат.

Ұқсас жаңалықтар
Атырауға Hayat-Vax вакцинасының 7,5 мың дозасы жеткізілді Алматыда бір тәулікте 3,5 мың адам вакцина алды Қазақстанда 1,7 млн-нан астам адамға коронавирус вакцинасы егілді

«Министрліктердің қайсысы бұл зауыт үшін жауапты? Ленталары қиылды, Алексей Владимирович (Алексей Цой – денсаулық сақтау министрі – ред.) PR науқанын жүргізді. Енді, зауытта қашан өнеркәсіптік өндіріс басталады? БҒМ «менікі емес» деп отыр. Цой мырза «тек тұтыну мен ұйымдастыруды» айтады. Сонда кім жауапты?», - деді Н. Нығматулин Мәжілістің жалпы отырысында.

Аталған жұмыстармен айналысып жүрген Ералы Тоғжанов іссапарда болғандықтан, сұраққа Премьер-Министрдің бірінші орынбасары Әлихан Смайылов жауап берді.

«Сұрау Үкіметке салынатын болады. Үкіметте Премьер-Министр орынбасары Ералы Тоғжанов айналысып жүр. Министрлер арасында – Білім және ғылым министрлігі. Қазір барлық техникалық жұмыстарын әкімдік жүргізеді. Олар техникалық бөлігін бітірген соң, Білім және ғылым министрлігінің балансына беріледі», - деп жауап берді Ә. Смайылов.

«Әзірге өздеріңізге де түсініксіз болып отырғанын көрдік. Әлихан Асханұлы (Смайылов – ред.), үлкен өтініш, «қойшы көп болса, қой арам өледінің» кері болмасын. Бұл өте маңызды жоба. Халық, қоғам вакцинаны күтіп отыр. Қанша мәлімдеме жасалған соң, енді ұйымдастыруды қолға алыңыздар. Әлихан Асханұлы Үкіметтің жауапты екенін айтты. Үкіметте де нақты адамдар бар. Сіздер сұраған қаражат берілді. Енді тағы қосымша сұрап отырсыздар, тағы бөлініп жатыр. Бәрі өздеріңізге байланысты, уақыт жылдам өтеді де кетеді», - деді Нұрлан Нығматулин.


Біздің каналымызға жазылыңыз:

Бөлісіңіз:

Автор:

Айжан Серікжанқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT