Қазақстандық туынды Лондонда «Үздік анимациялық фильм» атанды

НҰР-СҰЛТАН. ҚазАқпарат - Ұлыбритания астанасы Лондонда осымен үшінші рет өткізілген ECG кинофестивалінің қорытындысы жарияланды, деп хабарлайды ҚазАқпарат.

Еуразия елдерінің кино сайысында Ұлыбритания, Ресей, Беларусь, Қырым Республикасы, Украина, Өзбекстан, Қырғызстан, Әзірбайжан, Қазақстан, Франция, Португалия, Қытай және Түркия мемлекетінен жалпы жиыны 46 фильм көрсетілді.

Лондонның қақ ортасындағы Premier Cinema кинотеатрында өткен марапттау рәсімінде Мақсұт Сәрсембаев пен Мансұр Сәрсембаевтың «Hacked Future» («Бүлінген болашақ») атты қазақстандық фильмі «Үздік сценарий» аталымын жеңіп алды.

Ал Ділшат Рахматулиннің «Серый гусь «Despair» туындысы «Үздік анимациялық филмь» атанды.

Тағы бір қазақстандық кинотуынды «Baluan Sholak» құрмет дипломымен марапатталды.