Қолданушы баптаулары
Қолданушы баптаулары
+7 (701) 759 90 19 Лента
USD 386.34 EUR 427.25
RUB 5.88 CNY 54.57
Jańalyqtar

Қазақстандық теннисшілердің Истбурн турниріндегі қарсыластары белгілі болды

2019 жылғы 23 маусым 20:08 896
Бөлісіңіз:
Қазақстандық теннисшілердің Истбурн турниріндегі қарсыластары белгілі болды

НҰР-СҰЛТАН. ҚазАқпарат  - Истбурн турнирінде қазақстандық теннисшілердің қарсыластары анықталды, деп хабарлайды ҚазАқпарат тілшісі.

Қазақстанның бірінші, әлемнің 47-ракеткасы Михаил Кукушкин алғашқы айналымда рейтингте 68-сатыдағы америкалық Сэм Куэрримен кортқа шығады. Жүлде қоры 745 880 еуроға бағаланған Истбурн турнирі 29 маусымда мәреге жетеді. 

Бүгін тағы бір қазақстандық, рейтингте 85-орында тұрған А.Бублик іріктеу сайыстарының финалында әлемнің 91-ракеткасы, америкалық Теннис Сандгренмен күш сынасты. Бірінші партияда есеп 4:4 болып тұрған мезгілде америкалық спортшы доп берді. Міне, осы тартысты өрбіген геймде Александр брейк жасай білді. Кейін өз геймін де берген жоқ - 6:4. Екінші сетте есеп 5:4 болғанда, Сандгрен брейк жасап кетті - 6:4. Үшінші, шешуші партияда Т.Сандгрен сәтті ойнай білді - 6:3.

Тартысты бәсеке 1 сағат 43 минутқа созылды. Осылайша А.Бублик Истбурнде негізгі жарысқа шыға алмай қалды.

Жүлде қоры 1 млн АҚШ долларына жуықтайтын Истбурндегі әйелдер турнирінде Қазақстанның бірінші, әлемнің 43-ракеткасы Юлия Путинцева бақ сынайды. Ол алғашқы айналымда әлемнің 34-ракеткасы, тағы бір америкалық Даниэль Роуз Коллинспен шеберлік байқасады.

Истбурн додасы - 1-14 шілде аралығында өтетін Уимблдон турнирі алдындағы соңғы жарыс.

Еске сала кетейік, бұдан бұрын Зарина Диястың Истбурнның негізгі турниріне өте алмағанын, ал Александр Бубликтің осы жарысты жеңіспен бастағанын жазған болатынбыз.

 

 

 

 

Біздің каналымызға жазылыңыз:

Басты сөздер: Спорт,
Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT