+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

Қазақстандық теннисшілердің Astana Open турниріндегі қарсыластары белгілі болды

2020 жылғы 24 қазан 22:35
Бөлісіңіз:
Қазақстандық теннисшілердің Astana Open турниріндегі қарсыластары белгілі болды

НҰР-СҰЛТАН. ҚазАқпарат – Нұр-Сұлтан қаласында Astana Open ATP 250 турнирінің жеребесі тартылды, деп хабарлайды ҚазАқпарат тілшісі.

Қазақстан астанасында алғаш рет өткелі отырған әлемдік жарысқа еліміздің барлық бетке ұстар теннисшілері қатысады.

Қазақстанның бірінші, әлемнің 49-ракеткасы Александр Бублик бастапқы кездесуін дүниежүзілік рейтингте 223-орында тұрған америкалық Маккензи Макдональдпен өткізеді. А.Бублик осының алдында Санкт-Петербургте тартысты матчта қарсыласын тізе бүктірген болатын.

Тағы бір қазақстандық, рейтингте 89-сатыдағы Михаил Кукушкин әлемнің 76-ракеткасы, аргентиналық Федерико Дельбониспен шеберлік байқасады.

Қазақстан теннис федерациясы мәлім еткеніндей, Дмитрий Попко мен Тимофей Скатов және әлемнің бұрынғы 18-ракеткасы, италиялық Андреас Сеппи негізгі додаға арнайы шақырту алды. Бұл – әлемнің 173-ракеткасы Д.Попко мен рейтингте 450-орында тұрған 19 жастағы Т.Скатов үшін үлкен мүмкіндік.

Д.Попко бірінші айналымда әлемнің 83-ракеткасы, молдовалық Раду Алботпен кездеседі. Ал Т.Скатовтың қарсыласы іріктеу сайысы жеңімпаздарының бірі болмақ.

Сонымен қатар Қазақстан құрамасының мүшесі, рейтингте 372-орындағы Денис Евсеев іріктеу сайыстарына жолдама алды. Ол 25 қазанда басталатын іріктеу додасының жартылай финалында әлемнің 117-ракеткасы, аустралиялық Марк Полманспен күш сынасады. Іріктеу сынына қатысатын тағы бір қазақстандық, 332-сатыдағы Александр Недовесов әлемнің 114-ракеткасы, босниялық Дамир Джумхурмен кортқа шығады.

Astana Open додасы 1 қарашада мәреге жетеді.

Еске сала кетейік, бұдан бұрын Елена Рыбакинаның Аустриядағы Линц турниріне қатысатынын жазған болатынбыз.



Біздің каналымызға жазылыңыз:

Бөлісіңіз:

Автор:

Елжан Ералы

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT