+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Қазақстандық теннисшілер Мысыр мен Тунисте өткен турнирлерде жеңімпаз атанды

2021 жылғы 9 мамыр 00:05
Бөлісіңіз:
Қазақстандық теннисшілер Мысыр мен Тунисте өткен турнирлерде жеңімпаз атанды

НҰР-СҰЛТАН. ҚазАқпарат – Қазақстандықтар Гөзал Айнитдинова мен Жібек Құламбаева жұптық сында Мысыр мен Тунисте ITF турнирлерінде жеңімпаз атанды, деп хабарлайды ҚазАқпарат тілшісі.

Қазақстан теннис федерациясы мәлім еткеніндей, Г.Айнитдинова беларусьтық Анна Кубаревамен бірге Тунистегі жарыста үздік шықты.

Қазақстандық-беларусьтық жұп жартылай финалда ресейлік Дарья Лодикова – бельгиялық Элисса Ван Лангендонкты 6:4, 6:4 есебімен тізе бүктірді. Ал финалда осы доданың 1-ракеткалары, ұлыбританиялық Сара Бет Грэй – америкалық Даша Иванованы 7:5, 6:2 есебімен ұтты.

Бұл – Г.Айнитдинованың ITF турнирлеріндегі алтыншы табысы. Соның екеуінде жекелей, төртеуінде жұптық сында чемпиондық атаққа қол жеткізді.

Ж.Құламбаева румыниялық Оана Гавриламен бірге Мысыр астанасы Каирде жартылай финалда ресейліктер Элина Аванесян – Екатерина Вишневскаяны жолдан тайдырды – 7:6, 6:4. Соңғы бәсекеде мысырлық Ясмин Эззат – америкалық Клерви Нгоноуниге еш амал қалдырмады – 6:4, 6:0.

Бұл – Ж. Құламбаеваның ITF додаларындағы тоғызыншы титулы. Соның сегізінде жұптық сында жеңіске жетсе, биыл үшінші рет үздік шығып отыр.

Сонымен қатар «Қазақмыс» теннис клубының түлегі Іңкәр Дүйсебай Тирана (Албания) қаласында өткен Tennis Europe National Sport Park Open U16 турнирінің финалына дейін жетті. Финалдық сайыста Іңкәр украиналық Анастасия Фирманға 5:7, 2:6 есебімен есе жіберді.

Еске сала кетейік, бұдан бұрын А.Бубликтің Мадрид мастерс турнирінің жартылай финалына шыға алмағанын жазған болатынбыз.

Сондай-ақ А.Бубликтің Рим мастерс турниріндегі қарсыласы белгілі болды.




Біздің каналымызға жазылыңыз:

Бөлісіңіз:

Автор:

Елжан Ералы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT