Қазақстандық теннисші Юрий Щукин Гштаад АТР сериясы турнирінің жартылай финалында ұтылып қалды

АСТАНА. Тамыздың 2-сі. ҚазАқпарат - Швейцарияда өтіп жатқан Гштаад АТР сериясы турнирінің жартылай финалында француздық Ришар Гаскемен бақ сынасқан қазақстандық теннисші Юрий Щукин ұтылып қалды, есеп - 3:6,4:6. Бұл ақпаратты ҚР Теннис федерациясының баспасөз қызметі таратып отыр.

Айта кетейік, аталған турнир барысында Ю.Щукин екінші айналымында португалдық Фредерико Жилді 6:3, 6:3, ал ширек финалында АТР рейтингісінде 14-ші орында тұрған ресейлік Михаил Южныйды 6:4, 2:6, 7:5 есебімен ұтқан болатын.