Қазақстандық теннисші Үндістандағы жарыстың финалына шықты

НҰР-СҰЛТАН. ҚазАқпарат – Қазақстандық Анна Данилина жұптық сында Үндістанның Нави-Мумбаи қаласында өтіп жатқан W25 турнирінің финалына шықты, деп хабарлайдыҚазАқпарат тілшісі.

Осы жарыстың 1-ракеткалары болып тіркелген А.Данилина украиналық Валерия Страховамен бірге жартылай финалда ресейлік Екатерина Яшина мен үндістандық Пратана Томбаремен шеберлік байқасты.

Қазақстандық-украиналық жұп қарсыластарын 6:3, 6:3 есебімен ұтты.

Аталмыш додада тағы бір қазақстандық Жібек Құламбаева да финалға шығуы мүмкін. Ол латвиялық Диана Марцинкевичпен бірге жартылай финалда жапониялықтар Нахо Сато – Моюка Учижимамен ойнайды.

Еске сала кетейік, бұдан бұрын Анна Данилинаның Үндістандағы турнирдің жеңімпазы атанғанын, Елена Рыбакинаның әлемдік рейтингіде жылды ТОП-15-те аяқтағанын жазған болатынбыз.