18:04, 19 Қазан 2019 | GMT +6
Қазақстандық спортшы тректегі велоспорттан Азия чемпионы атанды
НҰР-СҰЛТАН. ҚазАқпарат - Сеулде тректегі велоспорттан Азия чемпионаты жалғасуда. Қазақстандық Андрей Чугай құрлық додасының жеңімпазы атанды, деп жазады Olympic.kz.
Қазақстандық спортшы «гит» бағдарламасы бойынша топ жарды. Ол 1 шақырымды 1:01.639 секундта жүріп өткен.
Екінші орынды - Малайзия, үшінші орынды - Қытай спортшылары иеленді.
Айта кетелік, бұл - Қазақстан командасының қоржынындағы екінші медаль. Кеше Әлішер Жұмақан жекелей із кесу сайысында күміске қол жеткізген болатын.